रुपन्देही जिल्लाको सिद्धार्थनगर नगरपालिका १ स्थित डण्डा ईलाकाबाट १ लाख ७ हजार ५ सय रुपैयाँ बराबरको मख्खन र एउटा मोटरसाईकलसहित सोही जिल्लाको सिद्धार्थनगर नगरपालिका ९ बर्मेलिटोल बस्ने ३५ बर्षिय गोपाल आडवानीलाई असार २ गते सशस्त्र प्रहरीले नियन्त्रणमा गरेको छ ।

Advertisement 1

लु ७ प ५७४७ नम्बरको मोटरसाईकलमा राखि भारतबाट नेपालतर्फ ल्याउँदै गरेको उल्लेखित मुल्य बराबरको मख्खन प्रस्तावित सीमा सुरक्षा गुल्म डण्डाले नियन्त्रणमा लिएको हो ।

यसैगरी सोही ईलाकाबाट असार ३ गते सशस्त्र प्रहरीले १ लाख ५ हजार ७ सय ८५ रुपैयाँ बराबरको चोरीपैठारीको लत्ताकपडा तथा किराना सामान बरामद गरेको छ। नियन्त्रणमा लिईएको व्यक्ति, सामान र मोटरसाईकल आवश्यक कारवाहीको लागि भैरहवा भन्सार कार्यालय बेलहिया रुपन्देहीमा बुझाईएको छ । त्यस्तै कञ्चनपुर जिल्लाको दोधाराचाँदनी नगरपालिका ३ जमुनाघारीस्थित सीमा ईलाकाबाट १ लाख ४१ हजार ९ सय रुपैयाँ बराबरको सामानसहित २ वटा भारती मोटरसाईकल असार ३ गते सशस्त्र प्रहरीले नियन्त्रणमा लिएको छ ।

Advertisement 2

युए ०६ ए ३६०२ र युके ०६ एआर २९७५ नम्बरको मोटरसाईकलमा राखि भारतबाट अबैध रुपले नेपालतर्फ ल्याउँदै गरेको उल्लेखित मुल्यको ६० केजी भटमास ३ बोरा यूरीया मल र १ बोरा गुड प्रस्तावित सीमा सुरक्षा देवीस्थानले नियन्त्रणमा लिएको हो ।