नेपाल वन सेवाको श्रेणीविहीन पदहरूका लागि आवेदन माग गरिएको छ । लोक सेवा आयोगले आज सार्वजनिक सूचना जारी गर्दै २ सय ४५ जना माग गरेको छ । स्थायी पदपूर्तिका लागि खुला र समावेशी प्रतियोगितात्मक परीक्षाका लागि दरखास्त माग गरेको हो ।

Advertisement 1

तोकिएको न्यूनतम योग्यता पुगेका उमेदवारहरूले अनलाइन माध्यमबाट दरखास्त दिन सक्नेछन् । दरखास्त दिने अन्तिम मिति २०८० असार १९ गते सम्म र दोब्बर दस्तुर २०८० असार २६ सम्म दिन सकिन्छ । उम्मेदवारको उमेर हद १८ वर्ष उमेर पुरा भई ३५ वर्ष ननाघेको र महिला तथा अपाङ्गता भएका उम्मेदवारहरुको हकमा ४० वर्ष ननाघेको हुनुपर्ने छ । परीक्षाको किसिम शारीरिक परीक्षण, तन्दुरुस्ती परीक्षा, प्रयोगात्मक परीक्षा, लिखित र अन्तर्वार्ता हुने छ ।