संघीय सरकारको अकर्मण्यता र स्थानीय तहका जनप्रतिनिधि र कर्मचारीको व्यवहारका कारण झ्ण्डै १३३ स्थानीय सरकार निमित्त प्रशासकीय प्रमुखको भरमा छन् ।
संघीय मामिला तथा सामान्य प्रशासन मन्त्री अमनलाल मोदीले मन्त्रालय सम्हाल्नु अघि झण्डै ३ सय स्थानीय तह निमित्तको भरमा चल्दै आएकामा अहिले १ सय ३३ स्थानीय तह निमित्तको भरमा चल्दै आएको छन् । स्थानीय सरकार सञ्चालन ऐन–२०७४ अनुसार मन्त्रालयले प्रमुख प्रशासकीय अधिकृत पठाउन नसकेका स्थानीय तहमा त्यहाँ कार्यरत कर्मचारीमध्येबाट वरिष्ठलाई निमित्त प्रशासकीय प्रमुखको जिम्मेवारी दिने गरेको छ ।
आफू मन्त्री भएर आएसँगै दुर्गमका स्थानीय तहमा कर्मचारी जानै नमान्ने, संघमा भरिभराउ कर्मचारी बस्ने । यो अवस्था चिर्नका लागि विकट र दुर्गममा प्रमुख प्रशासकीय अधिकृत पठाइएको जनाएका छन् । केहीमा अझै निमित्तकै भरमा चलेका छन् । साउनमा यो समस्या अन्त्य गर्छौं ।’
कर्मचारीको सरुवा पूर्वानुमानयोग्य बनाउन मन्त्रालयमा दुई जना सहसचिवको नेतृत्वमा संयन्त्र निर्माण गरी काम भइरहेको जानकारी दिँदै मन्त्री मोदीले भने, “आगामी साउनदेखि स्थानीय तहमा निमित्त प्रमुख प्रशासकीय अधिकृत नरहने गरी काम गरिनेछ।”

Advertisement 1

मन्त्रालयले कानुन र मर्यादाभित्र रहेर कर्मचारीको सरुवा र बढुवाको व्यवस्थापन गर्दै आएका भए पनि इन्ट्रेष्ट ग्रुपले हाजिर गर्न नदिने समस्या रहँदै आएकोमा विभिन्न १५ वटा पालिकाको खाता रोकेरै भए पनि उनीहरुलाई ट्रयाकमा ल्याएको जनाए ।
कतिपय स्थानीय तहले प्रमुख प्रशासकीय अधिकृतलाई हाजिरै हुन नदिने र प्राविधिकतर्फका स्वास्थ्य र शिक्षातर्फका कर्मचारीहरूलाई निमित्त दिएर खेलोफड्को गर्दै आएका छन् ।