कर्मचारी जसलाई स्थायी सरकार । तर, यही स्थायी संयन्त्रलाई राजनीतिक दलले भकुण्डो बनाएको भेटिन्छ । कर्मचारी सरुवा नियमित प्रक्रिया भए पछि व्यापारी,ठेकेदारदेखि व्यवसायीका स्वार्थसँग मेल खाने कर्मचारी लामो समय एउटै अड्डामा टिक्न सफल भएका उदाहरण प्रशष्त देखिन्छन् । अनि विचौलिया र व्यापारीको स्वार्थ नमिल्दा सातामै तीन पटक सरुवा भएको उदारहण पनि देखिन्छ ।कोही सहसचिव एउटै अड्डामा नौ बर्षसम्म टिकेको छ,हाकिम भएर । अनि कोही तीन महिनामै किन र के कारण खेदिन्छ ? व्यापारी,दलाल,विचौलियाहरुप्रति अलि आक्रामक ढंगले काम गर्ने खोज्ने हाकिमहरु किन छिटो छिटो फालिन्छन् ? तिनलाई ६ महिना पनि कुनै निकायमा किन टिक्न दिइदैंन ? अनि के त्यस्तो चमत्कार गरेर एउटै विभागमा कोही हाकिम ९ बर्षसम्म टिक्न सफल हुन्छ ?

Advertisement 1

अहिले अवकाशको जीवन बिताइरहेका रुपनारायण भट्टराई यस्ता पात्र हुन जो साता दिनमा तीन पटक सरुवामा परे । यातायातको सिण्डिकेटविरुद्ध उग्र रुपमा प्रस्तुत भएका यातायात व्यवस्था विभागका तत्कालिन महानिर्देशक भट्टराईलाई विचौलिया तथा व्यापारीहरुको बलमा त्यहाँबाट खेदेर संघीय मामिला तथा सामान्य प्रशासन हुँदै भौतिक पूर्वाधार मन्त्रालयबाट श्रम, रोजगार तथा सामाजिक सुरक्षा मन्त्रालयमा पठाइएको थियो ।

यातायात व्यवस्था विभागमा पछिल्ला चरणमा हाकिमहरु नै टिक्दैनन्, ०७९ साल असार ३० गते सहसचिव सुरेश राउत डिजी भएर गए दुई महिना अर्थात भदौ १९ मै सरुवामा परे । त्यसपछि त्यहाँ ०७९ भदौ २० गते टोकराज पाण्डे कार्यरत थिए । उनी पनि चार महिनामै खेदिए माघ २४ गते सरुवा भएका उनी अहिले निजामती किताबखानाका हाकिम छन् । पाण्डे पछि सो विभागको कमाण्डर बनेर गए ०७९ माघ २५ गते तुलसीनाथ गौतम । उनी महिना दिन पनि टिकेनन् फागुन १४ गतेमै सरुवामा परे । अहिले त्यहाँका महानिर्देशकमा नारायण प्रसाद भट्टराई बहालरत छन् ।

Advertisement 2

यस्तै अर्काे उदाहरण हेरौं,बाणिज्य आपुर्ती तथा उपभोक्ता हित संरक्षण विभागतिर । त्यहाँ पछिल्ला १७ महिनामा ४ जना महानिर्देशक परिवर्तन भइसकेका छन् । ०७८ मंसिर ५ मा प्रेमकुमार श्रेष्ठ कार्यरत थिए । उनी चैत २५ मै सरुवामा परे । उनी पछि ०७८ चैत २८ मा लिलाप्रसाद शर्मा हाजिर हुन पुगे । उनी पनि०७९ भदौ २२ मा सरुवामा परे । त्यसपछि २०७९ भदौ २७ मा महेश भट्टराई हाजिर हुन पुगेका थिए । बजार अनुगमन तिव्र पादै गर्दा गत व्यापारी तथा विचौलियाको बलमा फागुन १४ गते सरुवा भए । अहिले त्यहाँ गजेन्द्र ठाकुर कार्यरुत छन् ।
राजश्व अनुसन्धान विभागमा हुँदा नेपाल इन्भेष्टमेन्ट बैंकको ९ अर्ब राजश्व छलीविरुद्ध अनुसन्धान गरिरहेका सहसचिव मदन दाहाललाई त्यहाँबाट हुत्याएर श्रम मन्त्रालयमा पुर्याइयो । मन्त्रालयको बरण्डामा तीन महिनासम्म घाम ताप्दै बसे,केही जिम्मेवारी पाएनन,अहिले गृह मन्त्रालय वा अन्तरगत पठाइएको छ ।
भन्सार छली गर्ने व्यापारीहरुविरुद्ध कठोर रुपमा उत्रिएका चक्र बूढा यही निसानामा परे । पाँच महिनामै भन्सार विभागको डिजीबाट हटाएर उनलाई अहिले संष्कृति मन्त्रालयतिर पुर्याइएको छ । भन्सार विभागको कुर्सीमा रहँदा भन्सार सुधार्ने नीति तथा योजना बनाउँदै थिए । उनले भन्सारमा हुँदै आएको व्यापारी र कर्मचारीको साँठगाँठको जालोदेखि कर्मचारी सरुवालाई पारदर्शी बनाउने प्रयास गरे । त्यहाँबाट हुत्याइए ।

सहकारी विभागमा उसैगरी पछिल्ला १७ महिनामा चार जना हाकिम फेरिएका छन् । ०७८ कार्तिक ८ गते झलकराम अधिकारी त्यहाँ थिए । बदमासीमा मुछिए र तानिए सामान्यमा । चैत १ गते सरुवा भए २०७८ चैत २ मा रुद्रप्रसाद पण्डित २०७९ माघ २२ मा सरुवा र २०७९ माघ २६ गते नमराज घिमिरे विभागको महानिर्देशक छन् ।