सशस्त्र प्रहरी बल झापाद्धारा भारतिय नंम्वर प्लेटको सवारी साधन सहित अवैध सामानहरु पक्राउ
भारतबाट चोरी तस्करी गरी नेपाल ल्याउँदै गरेको गाडीसहित सामान झापा मेचीनगर नगरपालिका वडा नं. ७ पुर्व पश्चिम लोकमार्ग अन्तर्गत निन्दा पुल नजिकै सशस्त्र प्रहरीले नियन्त्रणमा लिएको छ।सशस्त्र प्रहरी बल नेपाल नं. २ गण हे.क्वा. झापाबाट खटीको टोलीले चेकजाँच गर्ने क्रममा प्रज्ञापनपत्र / सुविधा ईजाजतपत्र समेत नभएको भारतिय नंम्बर प्लेटको गाडी नियन्त्रणमा लिएकाे हाे ।
Advertisement 1
भारतबाट सामान बोकेर नेपाल आउँदै गरेको भारतिय नंम्बर WB७४AT३९४० को मारुती सुजुकी गाडी चेक गर्दा भन्सार छलेर अवैध तरिका ल्याइएको गाडीसहित सामान नियन्त्रणमा लिइएको सशस्त्र प्रहरी बल झापाका प्रमुख एसपी देबराज अर्यालले जानकारी दिए।
सवारी साधनमा लुकाई छुपाई भारतबाट अवैध रुपमा भन्सार छली नेपाल तर्फ ल्याउदै गरेको ईलेक्ट्रिक सामानहरु, मोटर पार्टसहरु बरामद भएको छ। सामानको मूल्य सोह लाख उनान्नब्बे हजार पचास रूपैयाँ बराबर कायम भएको सशस्त्र प्रहरीले जनाएको छ।
Advertisement 2
सामानहरु बरामद गरी आवश्यक कारवाहीको लागी मेची भन्सार कार्यालय काँकरभिट्टामा बुझाईएको छ।
