कृषि मेशिनरी व्यवसायी संघको छैठौं साधारण सभा सम्पन्न
कृषि मेशिनरी व्यवसायी संघको छैठौं साधारण सभा सम्पन्न भएको छ । राजधानीमा आयोजित साधारण सभामा देशभरका कृषि मेशिनरी आयातकर्ता, विक्री वितरणहरुको उपस्थिति रहेको थियो । साधारण सभा कार्यक्रमलाई सम्वोधन गर्दै अर्थमन्त्री जनार्दन शर्माले कृषि मेशिनरी व्यवसायीहरुलाई विदेशबाट मेशिन आयात गर्ने भन्दा पनि नेपालमा नै कृषि यन्त्रहरु निर्माण गर्न आग्रह गरेका थिए ।
Advertisement 1
उनले नेपालमा उत्पादन हुन सक्ने कृषि यन्त्रलाई नेपालमा नै उत्पादन गर्न जोड दिँदै व्यवसायीहरुलाई अरु केही नभए पनि कोदालोको बीँड बनाएर विक्री वितरण गर्न समेत निर्देशन दिएका थिए ।
‘विदेशबाट कृषि यन्त्र उपकरणका नाममा जस्तो पनि सामान आयात गर्नु भन्दा नेपालमा नै निर्माण हुन सक्ने साना साना सामाग्री कृषि यन्त्र उत्पादन गर्न अर्थमन्त्री शर्माले जोड दिएका थिए ।
Advertisement 2
आइतबार नेपाल कृषि मेसिनरी व्यवसायी संघको छैटौँ वार्षिक साधारण सभालाई सम्बोधन गर्दै अर्थमन्त्री शर्माले कृषि क्षेत्रलाई माया र सम्मान गर्नुपर्ने बताए ।
उनले किसानहरू हेपिएर देश बन्न नसक्ने भन्दै किसानहरुले दुखेको गर्ने अवस्था आएमा देशलाई खाद्यवस्तुमा आत्मनिर्भर बनाउन नसकिने बताए । उनले देशलाई खाद्यवस्तुमा आत्मनिर्भर बनाउनका लागि राष्ट्रिय संकल्प र त्यसप्रकारको नीतिको अभाव रहेको बताए । मन्त्री शर्माले किसानलाई सम्मान र आदर गर्ने संस्कार बसाल्नु पर्नेमा जोड दिए । उनले कृषि क्षेत्रलाई प्रवद्र्धन गरी उत्पादन र उत्पादकत्व वृद्धि गर्नुपर्ने बताए ।
Advertisement 3
अर्थमन्त्री शर्माले नेपालमा आवश्यक कृषि मेसिनरी नेपालमै उत्पादन गर्नुपर्ने बताए । कृषि मेसिनरी उद्योग खोल्न आग्रह गर्दै उनले आवश्यक कच्चा पद्धार्थहरुमा पर्याप्त भन्सार छुट दिइने बताए । उनले कृषिमा उत्पादकत्व वृद्धिका लागि मलको आपूर्ति, प्रविधिहरुको हस्तान्तरण र सिँचाइको व्यवस्था लगायतका कामहरूलाई एकीकृत गरी लैजानु आवश्यक रहेको उल्लेख गरे ।
