सरकारी नीति नै छ कि सेवाग्राहीको भीड लाग्ने कार्यालयलाई फेसलेस र पेपरलेस बनाउने । सरकारले अख्तियार गरेको यो नीतिलाई इमान्दार ढंगले कार्यन्वयन गर्दा परिणाम कस्तो हुन्छ भन्ने बुझ्न टाढा कतै गइरहन पर्दैन,ताहाचलमा अवस्थित वैदेशिक रोजगार कार्यालयतिर पुगे पुग्छ । यस्तो समय पनि थियो कि ताहाचलमा सेवा लिनका लागि सेवाग्राहीको लाइन सोल्टीमोडसम्मै पुग्दथ्यो । झण्डै ३५ सय हाराहारी सेवाग्राही सेवा लिन त्यही थुप्रिएपछि विचौलियाले त्यसको फाइदा लिन्थें,बदनामी खेप्दथें श्रम कार्यालयका कर्मचारी ।

Advertisement 1

सेवाग्राहीले पाएको सास्ती,हैरानी र भुक्तमानले कटक्क मन खान्थ्यो कुशल प्रशासक सचिव एकनारायण अर्यालको । उनी सामान्यबाट श्रमतिर पुगेपछि योग्य र दक्ष सहसचिव र उपसचिवको टिम तयार पारे र यस्ता कार्यालयहरुको कमाण्डर बनाएर खटाए । अनि प्रारम्भ गरे,यी कार्यालयलाई फेसलेस र पेपरलेस बनाउनेतर्फ ।
एउटा कुशल र योग्य प्रशासकले चाहेको खण्डमा असम्भव के छ र ? श्रम कार्यालय ताहाचल पूर्णत प्रविधिमैत्री बन्न पुग्यो । श्रम कार्यालय अनलाइन सिष्टममा गएसँगै धेरै विचौलियाको रुवावासी शुरु भयो र सेवाग्राहीले घरमै बसीबसी सेवा पाउने दिन शुरु भयो ।

वैदेशिक रोजगार कार्यालय ताहाचलका निर्देशक तथा सूचना अधिकारी बसन्तबहादुर बोहराका अनुसार अहिले श्रम कार्यालय ताहचलका सबै काम अनलाइनमार्फत नै शुरु भइसकेको छ । शुरुमा नवीकरण शाखामा लागु गरिएको अनलाइन सिस्टम २०७९ वैशाख २ बाट संस्थागत शाखामा पनि सुरु भयो । त्यसपछि जेठ ६ गतेबाट पूर्ण रूपमा अनलाइन प्रणाली कार्यान्वयनमा आएको उनी बताउँछन् । अहिले कार्यालयमा आउनैपर्ने बाहेक सबैले अनलाईन मार्फत नै काम श्रम स्वीकृति लिने गरिएको उनको भनाई छ । बोहराका अनुसार हाल दैनिक ३ हजारभन्दा बढीले अनलाइन मार्फत आवेदन दिने गरेका छन् । बाध्यतावश १० देखि १५ जना जति मात्रै सेवाग्राहीहरू कार्यालयमा आउँछन् ।
यस अघि भिड देखाएर असुल्न पल्केका कर्मचारीदेखि विचौलियाको खेतीपाती धन्दा बन्द भएसँगै शाखा घटाउने योजना असफल पार्न केही कर्मचारीहरु हातै धोएर लागिपरेका छन् । विशेष गरी शाखा मोह, भिडको फाइदा उठाने, काम चोर कर्मचारी यसलाई असफल बाउन लागि परेका छन् । बोहोरा मन्त्रालयको स्पष्ट निर्देशन र कर्मचारी साथीहरूको साथले पूर्ण रूपमा सुधारेर देखाउने प्रतिवद्धता व्यक्त गर्दछन् ।

Advertisement 2

अहिले सेवाग्राहीको भीड घटेपछि अहिले त्यहाँको कार्यालयहरुको शाखा मर्ज गरिएको छ । नयाँ बर्षकै दिनदेखि कार्यलयले काम कारवाहीलाई छिटो छरितो, पारदर्शी, प्रभावकारी शाखा मोह अन्त्य होस भन्दै कार्यालयभित्र रहेका शाखाहरुलाई एकीकृत गरिएको छ ।

यसअघि छ्ट्टा छुट्टै रहेका ४ वटा शाखालाई मर्ज गरी एकै बनाइएको हो । यस अघि अस्तित्वमा रहेको संस्थागत शाखा ‘क’ अन्तर्गत रहेका पूर्व स्वीकृति शाखा र अन्तिम श्रम स्वीकृति शाखा तथा संस्थागत शाखा ‘ख’ अन्तर्गतको पूर्व स्वीकृति शाखा र अन्तिम श्रम स्वीकृति शाखा गरी ४ वटा शाखालाई एकीकरण गरी संस्थागत शाखा (पूर्व स्वीकृति शाखा र अन्तिम स्वीकृति शाखा) मात्रै बनाइएको छ । यस्तै यस अघि कायम रहेको व्यक्तिगत श्रम स्वीकृति शाखा अन्तर्गतको नयाँ श्रम स्वीकृति तथा वैधानिकरण शाखा र नवीकरण शाखालाई एकीकरण गरी एउटा मात्रै व्यक्तिगत श्रम स्वीकृति शाखा कायम गरिएको छ । यसरी कार्यालयका कोठाहरुलाई एकीकृत गरेर एउटै हलबाट अहिले कार्य सम्पादन प्रक्रिया प्रारम्भ भएको छ । कार्यालय प्रमुखदेखि सबै कर्मचारीहरू एउटै हलमा राखिएका डेस्कहरूबाट सेवा प्रवाह गर्ने थालेकाछन् । यसबाट थोरै जनशक्ति, स्रोत र साधनबाट नै छिटो र प्रभावकारी रुपमा सेवा प्रवाह गर्न सकिने कार्यालयकी प्रमुख पार्वती अर्याल बताउछिन् ।

यसरी शाखा मर्ज भएसँगै कर्मचारीको संख्यामा समेत भारी रुपमा कटौती हुँदैछ । मर्ज भएसँगै सो कार्यालय सहसचिवको कमाण्डमा ३३ जना कर्मचारीले हाँक्नेछन् । अहिले उपसचिव ३, शाखा अधिकृत १०, सूप्रअ १, ना.सु.१५, लेखापाल.१, क.अ.१५ को स्थायी दरबन्दी रहने छ । सो कार्यालयमा भाषा अनुवादक ३ (अस्थायी दरवन्दी), सवारी चालक ४ (स्थायी दरवन्दी), कार्यालय सहयोगी ७ (स्थायी दरवन्दी) र सफाई स्टाफ ३ गरी ६३ जनाको दरबन्दी रहेकोमा झण्डै आधा दरबन्दी कटौती हुने भएको छ ।

शाखाहरु मर्ज भएसँगै सहसचिवको दरवन्दी हट्दैछ भने उपसचिवको कमाण्डमा कार्यालय चल्नेछ । त्यहाँ शाखा अधिकृत २०, सूप्रअ १, ना.सु.१, लेखापाल.१, क.अ.२, भाषा अनुवादक २ (अस्थायी दरवन्दी), सवारी चालक १ (स्थायी दरवन्दी), का.स.४(स्थायी दरवन्दी) र सफाई स्टाफ १ गरी ३३ जनाको दरवन्दी बनाउने योजनामा छ कार्यालय ।