वैदेशिक रोजगारका लागि दिइने दुई वर्षे श्रम स्वीकृतिको प्रावधान सरकारले हटाएको छ ।

Advertisement 1

श्रम मन्त्रालयको समेत जिम्मेवारी सम्हालेका प्रधानमन्त्री प्रचण्डले खाडी, मलेसिया र युरोपमा तोकिएको दुई वर्षे श्रम स्वीकृतिको प्रावधान आजदेखि हटाएका हुन् । अबदेखि गन्तव्य मुलुकबाट प्राप्त कार्य अनुमति÷रोजगारदाता र श्रमिकबीच भएको कार्यसम्झौताको आधारमा सोही अवधि तोकी श्रम स्वीकृति दिने निर्णय भएको छ ।

श्रम, रोजगार तथा सामाजिक सुरक्षा मन्त्रालयका प्रवक्तासमेत रहेका सहसचिव डुण्डुराज घिमिरेले एक विज्ञप्ति जारी गरी प्रधानमन्त्रीस्तरबाट भएको निर्णय जानकारी गराएका छन् ।

Advertisement 2

विज्ञप्तिमा भनीएकाे छ
वैदेशिक रोजगारीको लागि श्रम स्वीकृति दिदा रोजगारदाता र श्रमिक वीच भएको श्रम सम्झौता र गन्तव्य मुलुकबाट प्राप्त कार्य अनुमति / सम्झौताको अवधिलाई भन्दा सबैलाई २ वर्षको श्रम स्वीकृति दिदै आएको पक्षलाई मन्त्रालयले मूल्यांकन गर्दा यसवाट श्रमिक कामदारको कार्य अवधि र भिषा अवधि छदै श्रम स्वीकृतिका कारण वीचमा नै नेपाल फर्किनु परेको, विदेशमा वस्दा पनि आफ्नो मुलुकले दिएको श्रम स्वीकृतिको अवधि नघाई बस्नुपर्ने अवस्था देखिएको एवं धेरै झैझमेला मोल्नुपर्ने भएकोले नेपाल सरकार ( सम्माननीय प्रधानमन्त्रीस्तर) बाट निर्णय भए अनुसार अवदेखी गन्तव्य मुलुकबाट प्राप्त गरेको कार्य अनुमति / रोजगारदाता र श्रमिक वीच भएको कार्य सम्झौताको आधारमा सोही अवधि तोकी श्रम स्वीकृति दिने व्यबस्था गराइएको छ ।

त्यसै गरी वैदेशिक रोजगार नियमावली, २०६४ को नियम १७ (ग) मा भएको पूनः श्रम स्वीकृतिको व्यबस्था हाल प्रभावकारी रुपमा कार्यान्वयनमा नआएको कारण विदेशमा कार्यरत नेपाली श्रमिकले धेरै पूनः स्वीकृति लिन पनि पूनः नेपाल आउनुपर्ने भएको र पूनः श्रम स्वीकृति नभएको वेला भवितब्य परी दुःख पाएको, मृत्यु भएमा मृत्यु भएका बखत पाउने राहत, उद्दार लगायतका सुविधा कानून वमोजिम उपलब्ध गराउन नसकिएको पक्षलाई ख्याल गरी गन्तव्य मुलुकहरुमा रहेका नेपाली कुटनैतिक नियोगबाटनै पूनः श्रम स्वीकृति दिने व्यवस्था समेत नेपाल सरकार (सम्माननीय प्रधानमन्त्रीस्तर) को निर्णयबाट गरिएको छ ।