काठमाडौंस्थित त्रिभुवन अन्तर्राष्ट्रिय विमानस्थलमा पटक पटक कम्प्युटर सर्भर डाउन भएर विमान उडान अवरुद्ध भएर यात्रुहरुले सास्ती नै खेप्नु परेको थियो ।
यस्तै गरी राहदानी विभागमा समेत सर्भर डाउन हुँदा सेवाग्राहीले सास्ती र हैरानी नै खेप्नु परेको थियो । यस्तै घटना यातायात व्यवस्था विभाग एकान्तकुनातिर पनि सरेको छ । सर्भरमा समस्या देखिएपछि सेवाग्राहीको लामो लाइन लाग्नु परेको छ ।
आज बिहानैदेखि सर्भर डाउन हुँदा सबैजसो सेवा अनिश्चितकालका लागि बन्द भएको कार्यालय सूचना नै जारी गरेर जनाएको छ ।

Advertisement 1

सो कार्यालयद्धारा जारी विज्ञप्तिमा भनिएको छ, ‘आज बिहान कार्यालय समयदेखि नै सर्भरमा प्राविधिक समस्या आउँदा स्मार्ट कार्ड वितरण बाहेक सबै सेवा अवरुद्ध बनेको छ ।’
सर्भर डाउन भएसँगै आज आइतबार बायोमेट्रिक परेका सेवाग्राहीको बायोमेट्रिक समेत रोकिएको छ । अब २५ गतेका लागि नयाँ बायोमेट्रिक मिति तोकिएको कार्यालयले जनाएको छ ।