कहाँ सिक्ने होला गाडी ?
चितवन ड्राइभिड्ड स्कूलमा सेवा शुभारम्भ भएको छ । हाल मोटरसाईकल, स्कुटर, अटो र चारपाङ्ग्रे सवारी साधन कारको प्रशिक्षण अस्तिबाट प्रारम्भ भएको हो । प्रशिक्षार्थीको माग र आवश्यकता अनुसार भविष्यमा अन्य सवारी साधनको पनि प्रशिक्षण दिइने चितवन ड्राइभिड्ड स्कूल प्रा.लि.ले जनाएको छ ।
सवारी चलाउनको लागि चालकसँग अनिवार्य रुपमा चालक अनुमतिपत्र (लाइसेन्स) हुनुपर्ने व्यवस्था छ । चालकले लाइसेन्स प्राप्त गर्नका लागि सवारी चलाउने सैद्धान्तिक तथा व्यवहारिक ज्ञान अनिवार्य भएपनि गुणस्तरीय प्रशिक्षण केन्द्रको अभाव नै छ । चितवन जस्तो देशकै केन्द्र र अत्यधिक सवारी चाप रहेको जिल्लामा आधुनिक सुविधासहितको गुणस्तरीय प्रशिक्षण केन्द्र सञ्चालनमा ल्याइएको चितवन ड्राइभिड्ड स्कूलका सञ्चालक माधवप्रसाद अधिकारीले बताए ।
Advertisement 1
‘८० प्रतिशत भन्दा बढी सवारी दुर्घटना चालककै असावधानी तथा लापरवाहीका कारण हुने गरेको तथ्यांकलाई ध्यानमा राख्दै दक्ष सवारी चालक उत्पादन गर्ने मूल लक्ष्य यस ड्राइभिड्ड स्कूलको छ’, उनले भने, ‘हालै यातायात व्यवस्था सेवा कार्यालय चितवनले अनुमतिपत्र प्राप्त जारी प्रक्रिया सुरु गरेसँगै कुशल सवारी चालक उत्पादन गर्ने अवसरको रुपमा समेत लिई हामीले भरतपुर महानगरपालिकाको मुटु वडा नं. ४ मा चितवन ड्राइभिड्ड स्कूलको स्थापना गरेका छौं ।’ नेपाल सरकारको सवारी चालक निर्देशिका २०७४ बमोजिम सबै मापदण्ड पूरा गरी यस स्कूलले चितवनमै पहिलोपटक आधिकारिक मान्यता प्राप्त गरेको अधिकारी बताउँछन् ।
यातायात विज्ञ माधवसहित राजन क्षेत्री, विवेकजंग थापा र रामनारायण घिमिरेको झण्डै रु. पाँच करोड लगानी यसमा रहेको बताइन्छ । अत्याधुनिक पूर्वाधार र सेवासहित दुई बिघा क्षेत्रफलमा फैलिएको यो ड्राइभिड्ड स्कूलमा हाल १० जना प्रशिक्षकद्वारा एकैपटक २० जना भन्दा बढीलाई प्रशिक्षण दिने क्षमता रहेको जनाइएको छ । प्रशिक्षार्थीलाई चाहिने सैद्धान्तिक तथा व्यवहारिक ज्ञानको लागि सवारी सीप र ज्ञान सम्बन्धी पुस्तक वितरण गर्नुका साथै परामर्श र तालिम दिने उनीहरुले बताएका छन् ।
Advertisement 2
हाल कमजोर शारीरिक अवस्था भएकालाई निःशुल्क प्रशिक्षण दिइने बताउँदै सञ्चालक भन्छन्, ‘अन्य ड्राइभिड्ड स्कूल भन्दा फरक दृष्टिकोण र उद्देश्यसहित शुभारम्भको अवसरमा एकसाताको लागि ५० प्रतिशत छुटको व्यवस्थासमेत गरिएको जानकारी गराउँदछौं ।’ स्कूलले संस्थागत सामाजिक उत्तरदायित्व अन्तर्गत आगामी दिनमा ट्राफिक प्रहरीको समन्वयमा ट्राफिक नियम तथा सचेतना जस्ता विषयलाई पनि सँगै लैजाने प्रतिबद्धता जनाएको छ । देशकै नमूना ड्राइभिड्ड स्कूल बनाएर भविष्यमा सवारी सुरक्षा सम्बन्धी अध्ययन केन्द्रको रुपमा विकास गर्ने लक्ष्य रहेको उनीहरुको भनाइ छ ।
