बढुवा सिफारिस समितिले ४० जना अधिकृतलाई उपसचिवमा बढुवाका लागि सिफारिस गरेको छ ।

Advertisement 1

सामान्य प्रशासन समूहका २८ र लेखा समूहका ५ र नेपाल लेखापरीक्षण समूहबाट ७ जना गरी ४० जना शाखा अधिकृतलाई एकै पटक उपसचिव उकाल्नका लागि बढुवा सिफारिस समितिले सिफारिस गरेको छ ।

नेपाल प्रशासन सेवातर्फका कासमुबाट हुने २८ पदपूर्तिका लागि २२७ जनाले उमेद्धारी दिएकोमा ती मध्ये कायम भएका सम्भाव्य उमेद्धार संख्या २१० रहेको सामान्य प्रशासनले जनाएको छ । यस्तै लेखा समूहतर्फका पदपूर्ति हुने ५ जनाका लागि दरखास्त माग भएकोमा ५८ उमेद्धारले दरखास्त दिएकोमा एक जनाको योग्यता नपुगेको जनाइएको छ । यस्तै लेखापरीक्षण समूहतर्फको ७ पदका लागि दरखास्त मागिएकोमा आवेदन हाल्ने २५ मध्ये १७ जनाको उमेद्धारी कायम भएको जनाइएको छ ।
बढुवा सिफारिस समितिको बैठकले राजपत्राङ्कित तृतीय श्रेणीबाट राजपत्राङ्कित द्वितीय श्रेणीमा बढुवाका लागि ४० अधिकृतहरूको नाम सिफारिस गरेको हो ।

Advertisement 2

कार्यक्षमता मूल्यांकनद्वारा हुने बढुवाका लागि सिफारिस भएकामध्ये २८ जना सामान्य प्रशासन समूह र ५ जना लेखा समूहका रहेका छन् ।उनीहरु सबैले शत प्रतिशत अंक पाएका छन् । यस्तै लेखापरीक्षण समूहबाट ७ जना को नाम बढूवाका लागि सिफारिस भएको छ ।

सामान्य प्रशासन समूहअन्तर्गत बाबुकृष्ण ढकाल, सीताराम खड्का, मुक्तिनाथ सुवेदी, जिवनचन्द्र राई, राजेधरी खत्री सापकोटा, धर्मगुज न्यौपाने, ओमप्रसाद पाण्डे, अर्जुनबहादुर थापा, पदमलाल लामिछाने, किरणनिधि तिवारी, माधवप्रसाद अधिकारी, बसन्त न्यौपाने, दत्तराज हमाल, कैलासबहादुर ठकुराठीको सिफारिस गरिएको छ ।

त्यस्तै, दीपकप्रसाद न्यौपाने, जगदीश अर्याल, लोकप्रसाद रेग्मी, जित्तबहादुर भण्डारी, नारायणप्रसाद भट्टराई, कृष्णप्रसाद पौडेल, कमलप्रसाद पुन, पदमप्रसाद अर्याल, नारायण न्यौपाने, ढुविन्द्रप्रसाद बराल, पुरुपोत्तम घिमिरे, अधिनकुमार पोखरेल, पवनराज कोइराला र महेन्द्र विश्वकर्माको पनि सिफारिस गरिएको हो ।

लेखा समूहअन्तर्गत राजनकुमार फुयाल, थमनारायण शर्मा, मार्कण्डप्रसाद बराल, वीरेन्द्रप्रसाद घिमिरे र भुपेन्द्रबहादुर मल्लको सिफारिस गरिएको जनाइएको छ ।