सीईओहरुको अध्यक्षमा चुनिए सुनिल
नेपाल बैंकर्स संघको अध्यक्षमा सुनिल केसी चुनिएका छन् । वाणिज्य बैंकहरुको छाता संगठनको रुपमा रहेको नेपाल बैंकर्स संघमा यसअघि उपाध्यक्ष रहेका एनएमबी बैंकका प्रमुख कार्यकारी अधिकृत केसी आजदेखि अध्यक्ष बनेका हुन् ।
Advertisement 1
ठमेलस्थित होटल एलफ्टमा आयोजित विशेष साधारण सभाले उनलाई अध्यक्षमा सर्वसम्मत छानेको हो । यसअघि संघका अध्यक्षमा कृषि विकास बैंकका अनिलकुमार उपाध्याय थिए । उनले पुस १० गतेदेखि बैंकबाट अवकाश पाएकाले अध्यक्ष पद रिक्त भएको हो ।
तीन दशकदेखि नेपाली बैंकिंग क्षेत्रमा रहेका केसी २०७३ देखि उक्त बैंकको सीईओ छन् । उनी अध्यक्ष बनेपछि रिक्त उपाध्यक्ष पदमा माछापुच्छ्रे बैंकका सीईओ सन्तोष कोइरालालाई चयन गरिएको छ ।
Advertisement 2
प्रकाशित :२०७९ पुष २९, शुक्रबार ०६:१०
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
