सरकारी निकायहरु विचौलियाका कब्जामा पुगेका छन् । त्यसकै उदाहरण हेर्न टाढा कतै जानु पर्दैन,कम्पनी रजिष्टार्ड कार्यालय,राहदानी विभाग,यातायात व्यवस्था विभागतिर पुगे पुग्छ ।

Advertisement 1

मंगलबारमात्र यातायात कार्यालयमा सेवाग्राहीलाई अनुचित प्रभावमा पारेको अभियोगमा सात जना विचौलियालाई प्रहरीले नियन्त्रमा लिएको छ।
यातायात व्यवस्था कार्यालय, एकान्तकुना, ठूलोभर्‍याङ र चाबहिलबाट पाँच जना र स्वास्थ्य परीक्षण रिपोर्ट फर्जी दिने दुई जनालाई यातायात व्यवस्था कार्यालय, चाबहिलबाट प्रहरीले नियन्त्रणमा लिएको हो।

अहिले यातायात व्यवस्था विभागका हाकिमका रुपमा लोकसेवाका गुरु डा टोकराज पाण्डे नेतृत्वमा पुगेका छन् । उनी त्यहाँ कमाण्ड सम्हाल्न पुगे पनि यातायात कार्यालयहरु विचौलियाका प्रभावबाट मुक्त हुन सकेका छैनन् । बरु झनभन्दा झन विचौलियाको प्रभाव यातायात कार्यालयहरुमा बढ्दै गएको छ ।

Advertisement 2

उता प्रधानमन्त्री प्रचण्डले सरकारी काम र सेवा प्रवाहकारी,छिटो र छरितो गर्न निर्देशन दिएकै दिन राहदानी विभागले अनिश्चितकालका लागि पासपोर्ट वितरण कार्य बन्द गरेको छ । सिस्टममा समस्या आएको कारण देखाउँदै विभागले अर्को सूचना जारी नहुँदासम्मको लागि राहदानी वितरण कार्य रोकेको हो ।

पुष्पकमल दाहाल प्रचण्ड नेतृत्वको वर्तमान सरकारको पहिलो क्याबिनेट बैठकले राहदानी, सवारी चालक अनुमति पत्र, राष्ट्रिय परिचयपत्रमा देखिएका समस्या समाधान गरी चुस्तदुरुस्त सेवा दिने निर्णय गरेको भए पनि ती निकाय विचौलियाका प्रभावमा पर्दा सेवा प्रभावकारी हुन सकेको छैन ।

राहदानी विभागको कमाण्डर अहिले सुरेन्द्र कुमार यादव छन्,उनले त्यहाँका कमाण्ड सम्हाल्न थाले पछि राहादानी विभाग झनै खस्कदै गएको छ । कर्मचारीको अभावका कारण काम हुन नसकेको भन्दै हिजैमात्र सामान्यले १६ जना कम्युटर अपरेटर त्यहाँ खटाएको भए पनि उसले सिष्टममा खराबी आएको कारण देखाउँदै सेवा अनिश्चित कालका लागि ठप्प पारेको छ ।