सञ्चार कर्मबाट राजीनामा दिएर राजनीतिमा होमिएको ६ महिनामै गृहमन्त्री बनेका रवि लामिछानेले एक पछि अर्काे एक्सन लिन थालेका छन् । उनका एक्सनका कारण कर्मचारी वृत्तमा केहीमा त्रास र धेरैमा आश देखिन्छ ।
मन्त्री बनेलगतै लामिछाने अस्ति साढे ९ बजे गृह मन्त्रालयमा छिरेपछि कर्मचारीहरुको हस्याङ्फस्याङ् र दौडधुपको दृश्य गृह प्रागंणमा देख्न पाइन्थ्यो । यस्का अलवा लामिछानेले विशिष्ट व्यक्तिहरुले कार्यबिधि विपरित राखिएको सुरक्षाकर्मी ४८ घण्टा भित्र फिर्ता गर्न निर्देशन दिएपछि कर्मचारीहरुले काज फिर्ताको निर्देशन समेत दिएका थिए ।
आजै गृह मन्त्रालयले सुरक्षा निकायका कर्मचारी तथा पदाधिकारीहरूलाई नियमित कामको सिलसिलामा बाहेक अन्य समयमा नेता र कूटनीतिज्ञहरूसँग भेट्न प्रतिबन्ध लगाएको छ ।

Advertisement 1

भेट्नै पर्ने परिस्थितिमा पनि स्पष्ट प्रयोजन खुलाई विभागीय स्वीकृति लिएर मात्र भेट्न गृहको निर्देशन छ । गृहले निर्देशनविपरीत काम गरे कारवाही गर्ने चेतावनी पनि विज्ञप्तिमार्फत दिइएको छ ।