गृहको सरुवामा यतिसम्म हुन थाल्यो गडबडी
आफ्नै हात जगन्नाथ हुँदा कर्मचारीहरुले सरुवामा कुन हदसम्म बदमासी गर्न सक्छन् भन्ने एउटा उदाहरण हो यो । यसअघि कर्मचारी प्रशासनको हाकिम हुँदा पत्नीलाई काठमाडौंका सहायक सिडिओ बनाएका सुनिल खनालले अहिले उनले सिडियोको रुपमा खटाउन भ्याएका छन् ।
आफू अनिवार्य अवकाशमा जानुअघि गृहको क्याडर बाहिरकी पत्नी सुप्रभालाई उर्जाबाट तानेर सहायक सिडिओ बनाउन भ्याएका खनालले अवकाशलगत्तै गृहमन्त्री बालकृष्ण खाँणको सुरक्षा सल्लाहकार बन्ने अवसर पाए र अहिले त्यही अवसरलाई प्रयोग गर्दै उनलाई हिजोमात्र सिडिओ बनाउन भ्याएका छन् ।
Advertisement 1
यस अघि यो अवसर प्रयोग गर्दै भाइलाई समेत सिडिओ बनाउन भ्याएका थिए।
अघिल्लो बर्ष भाद्र २३ मा गोविन्दप्रसाद रिजाललाई काठमाडौंको प्रमुख जिल्ला अधिकारीमा खटाइएपछि कप्रको जिम्मेवारी पाएका थिए सुनिल खनालले । उनी अघिल्लो बर्ष कार्तिकमै ५८ बर्षे उमेर हद लागेर घर फर्किए । घर जानुअघि पत्नी सुप्रभालाई उर्जा मन्त्रालयबाट रातारात गृहमा तानेर काठमाडौंको सहायक जिल्ला अधिकारी बनाउने काम फत्ते गरेका थिए ।
Advertisement 2
अहिले गृहमन्त्री खाँणको सुरक्षा सल्लाहकार भएको मौका पारेर भाइ अनिललाई सोलुखुम्बुको प्रमुख जिल्ला अधिकारी बनाउन सफल भएका उनले भाईलाई त्यहाँबाट तानेर इलाका उर्लाबारी प्रमुख बनाउन भ्याएका छन् ।
Advertisement 3
यस्तै पत्नी सुप्रभालाई काठमाडौंको सहायक सिडियोबाट मनाङ जिल्लाको प्रमुख जिल्ला अधिकारी बनाएर पठाइएको छ। त्यहाँका सिडियोलाई रवीन्द्र प्रसाद आचार्यलाई काठमाडौँको सहायक प्रमुख जिल्ला अधिकारीका रुपमा तानिएको छ ।
निर्वाचन आचारसहिता खुले लगतै पहिलो पटक एक दर्जन सिडिओहरु सरुवा हुँदा गृहमन्त्रीका सल्लाहकारका पत्नी र भाइको सरुवा गरिएको हो ।
यस्का अलवा सरुवा परेका अन्य प्रमुख जिल्ला अधिकारीहरुमा रसुवाका रसुवाका प्रजिअ नवराज जैसीलाई गृहमा तानेर त्यहाँ बाजुराका प्रजिअ प्रकाशचन्द्र अधिकारीलाई खटाइएको छ ।
यस्तै,चिरञ्जीवी गिरिलाई सिन्धुलीका सिडियो बन्न पुगेका छन् । गृहका उपसचिव उपसचिव वसन्त भट्टराईलाई प्रमुख जिल्ला अधिकारी सोलुखुम्बुमा पठाइँदा टिकापुर इलाका प्रमुख पुष्कर खड्कालाई प्रमुख जिल्ला अधिकारी बनाएर बाजुरा पठाइएको छ । यस्तै भैरहवा विमानस्थल प्रमुख अनुप केसी मुस्ताङको प्रमुख जिल्ला अधिकारी बनेर खटिने भएका छन् भने उर्लाबारी इलाका प्रमुख तुलसीराम पौडेललाई म्याग्दीको प्रमुख जिल्ला अधिकारी बनाएर पठाइएको छ । त्यहाँका प्रजिअ चिरञ्जीवी रानालाई टिकपुर इलाका प्रमुखको जिम्मेवारीमा खटाइएको छ ।
यस्तै मकवानपुरका सहायक प्रमुख जिल्ला अधिकारी हरिदत्त कँडेललाई अध्यागमन कार्यालयमा तानिएको छ भने गौतमबुद्ध अन्तर्राष्ट्रिय विमानस्थल भैरहवा र मुस्ताङका प्रमुख जिल्ला अधिकारी नेत्र प्रसाद अधिकारीहरु पनि सरुवामा परेका छन् ।
