करारका कर्मचारीलाई पनि जिल्ला अनुसार प्रोत्साहन भत्ता
कर्णाली प्रदेश सरकारले करार सेवामा कार्यरत कर्मचारीलाई प्रोत्साहन भत्ता दिने निर्णय गरेको छ ।
Advertisement 1
कर्णाली प्रदेश सरकारको आर्थिक मामिला तथा योजना मन्त्रालयले प्रदेशभित्र स्वीकृत स्थायी दरबन्दीमा करार सेवामा कार्यरत कर्मचारीहरुलाई जिल्ला अनुसार प्रोत्साहन भत्ता दिने निर्णय गरेको हो ।
Advertisement 2
गत मंसिर २१ गते बसेको मन्त्रिपरिषद्को बैठकले सो प्रदेशको सुर्खेत जिल्लामा कार्यरत कर्मचारीलाई मासिक चार हजार,सल्यान,रुकुम पश्चिम,जाजरकोट र दैलेखमा कार्यरत कर्मचारीहरुलाई मासिक ६ हजार प्रोत्साहन भत्ता दिने निर्णय गरेको छ ।
यस्तै कालिकोट र जुम्लामा स्वीकृत स्थायी दरबन्दीमा कार्यरत करार सेवाका कर्मचारीहरुले मासिक ८ हजार भत्ता पाउनेछन भने मुगु,जुम्ला र हुम्ला जिल्लामा कार्यरत कर्मचारीहरुलाई मासिक १० हजार भत्ता दिने निर्णय भएको छ ।
Advertisement 3
उनीहरुले यस आर्थिक बर्षको साउन १ गतेबाटै यस्तो भत्ता सुविधा पाउने मन्त्रालयले जनाएको छ ।
