संघीय मामिला तथा सामान्य प्रशासन मन्त्रालयले स्थानीय तहका ५१४ जना कर्मचारीहरुको अन्तर स्थानीय तहमा कामकाजका लागि खटाएको छ । मन्त्रालयले लोकसेवा आयोगबाट स्थानीय तहमा सिफारिस भइ अन्तर स्थानीय तह कामकाजमा खटाउन सामान्य प्रशासनको इमेलमा चैत्र ११ सम्म निवेदन दिएका कर्मचारीहरुको अन्तरस्थानीय तह सरुवा गरेको हो ।
सामान्य प्रशासनले तयार पारेको मापदण्ड दोहोरो सहमतीको मापदण्ड पूरा गरेका कर्मचारीहरुलाई अन्तर स्थानीय तह कामकाजका लागि खटाइएको सामान्य प्रशासनले जनाएको छ । मन्त्रालयले २१ जना कर्मचारीको हकमा भने कैफियत देखाएको छ । दोहोरो सहमती नभएको,नगरप्रमुखको मात्र दस्तखत भएको,दरबन्दी रिक्त नरहेको लगायतका कारण २१ कर्मचारीको हकमा भने कैफियत रहेकाले सरुवा गर्न नसकिएको सामान्य प्रशासनले जनाएको छ ।मन्त्रालयले यसरी खटाएका कर्मचारीहरुमा सहायक स्तर चौथौंदेखि छैंटो तहसम्मका कर्मचारीहरु रहेका छन् ।