सरकारले सचिव सुरेश आचार्यलाई शहरी विकास मन्त्रालयमा सरुवा गरेको छ । प्रधानमन्त्री तथा मन्त्रिपरिषद्को कार्यालयमा कार्यरत रहेका सचिव आचार्यलाई शहरी विकास मन्त्रालयमा सारेको हो ।

Advertisement 1

गत मंसिर साता पहिलो  शहरी सचिव रमेश सिंह सेवा हद लागेर घर फर्किएसँगै रिक्त रहेको सो मन्त्रालयको जिम्मेवारी सचिव आचार्यलाई दिइएको हो ।

प्रधानमन्त्रीको सरकारी निवास वालुवाटारमा आज बसेको क्याविनेट बैठकले शहरी सचिवलाई आचार्यलाई खटाउने निर्णय गरेको हो । कुशल प्रशासकको छवि बनाएका आचार्य जागिर अवधिमा लामो समय पर्यटन मन्त्रालयमा बिताएका थिए । सचिव बढुवा भएसँगै उनले नेपाल ट्रष्ट,राष्ट्रिय पुर्ननिर्माण प्राधिकरण,शिक्षा विज्ञान तथा प्रविधि मन्त्रालय (प्रविधिक) हुँदै केही समय खानेपानी मन्त्रालयमा  बिताए । उनलाई त्यहाँबाट तानेर प्रधानमन्त्री तथा मन्त्रिपरिषद्को कार्यालयमा लगिएकोमा आजै बढुवा भएका रामआधार साहलाई प्रधानमन्त्री तथा मन्त्रिपरिषद्को कार्यालयमा पदस्थापन गर्दै सचिव आचार्यलाई सहरीमा सारिएको हो ।

Advertisement 2

इञ्जियर पृष्टभूमिका आचार्य कुशल प्रशासक त हुन नै,अब्बल गीतकार पनि हुन् । सांगीतिक फाँटमा सियरा उपनामले परिचित सचिव आचार्यले केही अघिमात्र तिम्रो प्रेरणाले नामक गीति एल्वम, तिमी आकाश छुन नामक गीति एल्वम बजारमा ल्याएका छन् ।