संस्थागत सुशासन र पारदर्शिता सहकारीको मूल उद्देश्य :- सचिव डा रेग्मी
भूमि व्यवस्था, सहकारी तथा गरिवी निवारण मन्त्रालयका नवनियुक्त सचिव डा दामोदर रेग्मीले सहकारी क्षेत्रको प्रवद्र्धन र विकासका लागि मन्त्रालयले सहयोग गर्ने बताउनुभएको छ ।
Advertisement 1
उहाँले सहकरीको विकास हुदा देश र नागरिकलाई हित हुने भएकाले मन्त्रालयले सहकारीको संस्थागत सुसासन बृद्धिका लागि अभियानसँग मिलेर अघि बढ्ने बताउनुभयो । राष्ट्रिय सहकारी महासंघले सोमबार नवनियुक्त सचिव रेग्मीको स्वागतमा आयोजना गरेको कार्यक्रममा बोल्दै उहाँले भन्नुभयो समुदायको परिचालन, सशक्तिकरण र गरिवी न्युनिकरणका लागि राज्यले सहकारीसँग समन्वय गरेर कार्य गर्नुपर्दछ । सरकारीहरुले समुदायको हित प्रबर्ध्दन रोजगारी सिर्जना र समुदायको सशक्तिकरणमा ध्यान दिनु पर्ने कुरा वताउनु भयो । उहाँले संस्थागत सुशासन पारदर्शिता र सदस्यहरुको विकासलाइ मूल उद्देश्य वनाइ सहकारी अगाडी बढ्नु पर्ने कुरामा जोड दिनु भयो ।
महासंघका अध्यक्ष मिनराज कडेलले सहकारीमा देखिएको पछिल्लो अवस्थाको विषयमा जानकारी गराउँदै ऐनले व्यवस्था गरेको कर्जा सुचना केन्द्र, ऋण असुली न्यायधिकरण, बचत तथा कर्जा सुरक्षण कोषको कार्यान्वयन तत्काल गर्नुपर्ने बताउनुभयो । महासंघका निवर्तमान अध्यक्ष तथा पुर्व मन्त्री केशव बडालले ४७ वटा ऐनहरु सहकारीका लागि बाधक रहेकाले ती ऐन संशोधनका लागि सहयोग गर्न अनुरोध गर्नुभयो । महासंघका उपाध्यक्ष रमेश पोखरेलले सहकारी क्षेत्रको विकासमा मन्त्रालय र अभियानको सहकार्यको आवश्यकता औल्याउनुभयो ।
Advertisement 2
कार्यक्रममा भूमि व्यवस्था, सहकारी तथा गरिवी निवारण मन्त्रालयका सहसचिव निराजन घिमिरेले कानुनमा व्यवस्था भएका विषयहरु कार्यन्वयन गरी पछिल्लो समय देखिएको समस्या समाधानका लागि मन्त्रालयको ध्यानआकर्षण भएको बताउनुभयो ।
महासंघका महाप्रबन्धक चित्राकुमारी थाम्सुहाङ सुब्बाले सहकारी अभियानको प्रवद्र्धनमा राष्ट्रिय सहकारी महासंघको योगदानको विषयमा प्रस्तुती गर्नुभएको थियो ।
