गृह मन्त्रालयले अघिल्लो आर्थिक बर्षको प्रगति प्रतिवेदन सार्वजनिक गरेको छ ।

Advertisement 1

गृहले हालै सार्वजनिक गरेको प्रगति प्रतिवेदनमा अघिल्लो आर्थिक बर्षमा २८ जनाको ओएण्डएम (संगठन संरचना) स्वीकृत गरिएको प्रतिवेदनमा जनाइएको छ ।
गृहको अनुसार निजामती कर्मचारी प्रशासन शाखाबाट कसुरजन्य सम्पत्ति व्यवस्थापन विभागको २८ जना दरबन्दी तथा संगठन संरचना स्वीकृत भएको छ । अध्ययन/ छात्रवृत्तिमा मनोनयनका लागि १५ जना कर्मचारीको विवरण संकलन गरी अर्थ मन्त्रालयमा पठाइएको, बिभिन्न निकायबाट संचालित भएका कार्यक्रमका लागि मन्त्रालयबाट ३०४ वटा प्रतिनिधि तोकेको गृहले जनाएको छ । यस्तै ०७८÷७९ मा कुल १४२२ जनालाई पदस्थापना तथा सरुवा गरेको छ ।

यस्तै,गुनासो व्यवस्थापन शाखाबाट आ.व. २०७८÷७९ मा गृह मन्त्रालय र अन्तर्गतका विभिन्न निकाय/पदाधिकारीहरूको विरुद्ध परेका कुल ७१३ उजुरीहरू मध्ये ८४.९% फर्छ्यौट भएको गृहले जनाएको छ ।

Advertisement 2

यस्तै राहत तथा तथ्याङ्क व्यवस्थापनबाट उपचार खर्च, राहत तथा आर्थिक सहायता सम्बन्धी मापदण्ड, २०७९ मन्त्रिपरिषद्बाट स्वीकृति गरी कार्यान्वयनमा ल्याइएको ।
आर्थिक प्रशासन शाखाबाट मन्त्रालय र अन्तर्गतको निकायको कुल बेरुजु रु. १ अर्ब १३ करोड ९९ लाख २ हजार रहेकोमा रु. ४८ करोड ९० लाख ८५ हजार अर्थात ४२.९१ प्रतिशत फर्छ्यौट भएको जनाइएको छ ।
अवस्था छ ।
अघिल्लो आर्थिक बर्ष ड्रोन उडान अनुमति ७,सेक्युरिटी क्लियरन्स ६, यात्रा अनुमति पत्र ७६ (१८ भुटानी र ५८ तिब्बतीयन), वाकीटकी अनुमति ३१, संघ संस्था ७ र गैर आवासीय पदमा÷राजदूत नियुक्ति राय एवम् सहमति ४३ वटा प्रदान गरिएको प्रतिवेदनमा उल्लेख गरिएको छ ।