अख्तियार दुरुपयोग अनुसन्धान आयोगले एक जना उपसचिवसहित ५ जना विरुद्ध भ्रष्टाचार मुद्धा चलाएको छ । अख्तियारले कृषि ज्ञान केन्द्रका तत्कालीन प्रमुखसहित पाँच जनाविरुद्ध भ्रष्टाचार मुद्धा दायर गरेको हो ।

Advertisement 1

अख्तियारलेकृषि ज्ञान केन्द्र जुम्लाका तत्कालीन प्रमुख उपसचिव डा तपेन्द्र बहादुर शाह र सवइञ्जिनियर महेश बुढ्थापा तथा उपभोक्ता समितिका तत्कालीन अध्यक्ष बाँचबहादुर सेजुवाल, सचिव माया केसी भाम र कोषाध्यक्ष बिजकन्या भामविरुद्ध विशेष अदालतमा मुद्दा दायर गरेको हो । मुगु छायाँनाथ रारा नगरपालिका ४ बालैस्थित गैराज्युला कृषि सिंचाईं आयोजनामा नभएको काम देखाएर दुई लाख ११ हजार भुक्तानी दिइएको थियो ।

सबइञ्जिनियर बुढ्थापाले नक्कली बिल भरपाइ, नापी किताब, कार्य सम्पन्न प्रतिवेदन बनाई पेश गरेको र सोही नापी किताब एवं कार्य सम्पन्न प्रतिवेदनलाई एकिन नगरी हचुवाको भरमा स्वीकृत गरी तत्कालीन प्रमुख शाहले उपभोक्ता समितिलाई भुक्तानी दिएको अख्तियारको आरोप छ। शाह र बुढ्थापाविरुद्ध दुई लाख ११ हजार बिगो कायम गरिएको छ।

Advertisement 2

उपभोक्ता समितिका तीनै पदाधिकारीविरुद्ध दुई लाख ११ हजार बिगो कायम गरिएको छ।