Advertisement 1

गृह मन्त्रालयले निर्वाचन आचारसंहिता लाग्नु अगावै विभिन्न १२ जिल्लाका प्रजिअहरुको सरुवा गरेको छ । जस अनुसार काठमाडौंको प्रमुख जिल्ला अधिकारी गोविन्द रिजाललाई गृहको कप्र महाशाखाको प्रमुखको जिम्मेवारी दिएर मन्त्रालयमा तानिएको छ भने उनको ठाउँमा अर्काे दैलेखी घनश्याम उपाध्यायलाई ललितपुरबाट ल्याइएको छ ।
उपाध्यायको ठाउँमा भने कास्कीका प्रमुख जिल्ला अधिकारी जयनारायण आचार्यलाई ल्याइएको छ । गृहले बनाएको मापदण्डमा लगातार तीन जिल्लामा प्रमुख जिल्ला अधिकारी बनेको अधिकृतलाई गृह मन्त्रालय मातहतको विभाग वा क्षेत्रीय प्रशासन कार्यालयमा सरुवा गर्ने व्यवस्था छ । तर,त्यो नीतिको ठाडो उल्लंघन हुँदा पनि गृह प्रशासन मौन देखिन्छ । उक्त मापदण्डको बुँदा नम्बर ५ मा लेखिएको छ ‘सामान्यतयाः लगातार ३ जिल्लामा प्रजिअको जिम्मेवारी वहन गरिसकेकाहरूलाई मन्त्रालय मातहत विभाग र क्षेत्रीय प्रशासन कार्यालयमा सरुवा गर्ने नीति अवलम्बन गर्ने । यसरी मापदण्डलाई कुल्चिएर निरन्तर सिडीयो बनिरहने गृहका कर्मचारीहरुमा आचार्यसहित,अस्मान तामाङ्ग ,कोशहरि निरौला लगायतको नाम आउँछ । निजामती कर्मचारीले एक पटक सुगम स्थानमा बसेपछि अर्को पटक दुर्गम स्थानमा सेवा गर्नुपर्ने सामान्य नियम हो । तर, गृहमन्त्रालयमा यस्ता नियमहरु लागू हुँदैनन् ।

यसै गरी कास्कीमा गृह मन्त्रालयका प्रशासन महाशाखा प्रमुख टेकबहादुर केसीलाई पठाइएको छ भने जुम्लाकी प्रमुख जिल्ला अधिकारी विजया कुमारी प्रसाईँलाई गृह मन्त्रालयमा सरुवा गरिएको छ । यस्तै जुम्लाको प्रजिअमा मुकेशकुमार केसरी लाई पठाइएको छ ।

Advertisement 2

मन्त्रालयका अनुसार दैलेखको प्रजिअमा सञ्चार तथा सुचना विभागका महानिर्देशक गोगनबहादुर हमाललाई पठाइएको छ भने दैलेखका हरि प्याकुरेललाई बाँकेको सहायक प्रमुख जिल्ला अधिकारीमा पठाइएको छ ।

यसैगरि बाँकेका सहायक प्रमुख जिल्ला अधिकारी टोपेन्द्र बहादुर केसीलाई इलाका प्रशासन कार्यालय सिमरा सरुवा गरिएको छ भने पाँचथरका प्रमुख जिल्ला अधिकारी सुरेश न्यौपानेलाई मन्त्रालय र पाँचथर को प्रजिअमा गणेश गैरेलाई पठाइएको छ ।

यसै गरी सङ्खुवासभाका प्रजिअ नुरहरी खतिवडालाई सप्तरीको प्रजिअमा, सप्तरीका प्रजिअ जनार्दन गौतमलाई उदयपुरको प्रजिअ र उदयपुरका वीरेन्द्र यादवलाई सङ्खुवासभाको प्रजिअमा सरुवा गरिएको गृह मन्त्रालयले जनाएको छ ।