१७ अधिकृतको सरुवा

संघीय मामिला तथा सामान्य प्रशासन मन्त्रालयले  १७  अधिकृतहरुको सरुवा गरेको छ । मन्त्रालयले निर्वाचन आचारसंहिता लाग्नु अघि विभिन्न मन्त्रालय वा निकायमा कार्यरत अधिकृतस्तरका कर्मचारीहरुको सरुवा गरेको हो । निर्वाचन आयोगले मंसिर ४ को निर्वाचनलाई केन्द्रित गर्दै यही भदौ २० गतेभित्र आवश्यक कर्मचारी व्यवस्थापन गर्न सरकारलाई निर्देशन दिएपछि सरकारले धमाधम सरुवा गरेको हो । जसमध्ये राप तृतीय श्रेणीका शाखा अधिकृतहरुको सरुवा गरेको छ।

Advertisement 1


जसअनुसार रीता लम्सालको महिला बालबालिका तथा जेष्ठ नागिरक मन्त्रालयबाट संघीय मामिला तथा सामान्य प्रशासन मन्त्रालयको अतिरिक्त समूहमा,रीनु थपलियाको संघीय मामिला तथा सामान्य प्रशासन मन्त्रालयबाट संस्कृति, पर्यटन तथा नागरिक उड्डयन मन्त्रालयमा पठाइएको छ । यस्तै राजमणि निरौलाको राष्ट्रिय प्रहरी किताब खानाबाट राष्ट्रिय सतर्कता केन्द्रमा ल्याइएको छ । सामान्यका अनुसार,गोश्वारा हुलाकबाट रश्मि पौडेल प्रधानमन्त्री तथा मन्त्रिपरिषद्को कार्यालयमा पठाइएको छ ।
यस्तै रामहरि पोखरेलको सार्वजनिक खरिद अनुगमन कार्यालयबाट उद्योग, वाणिज्य तथा आपूर्ति मन्त्रालयमा पुग्दा खानेपानी मन्त्रालयका डिलमान शाक्य सूचना तथा सञ्चार प्रविधि मन्त्रालयमा पुगेका छन् । सृजना मिश्रको जिल्ला निर्वाचन कार्यालय लमजुङबाट जिल्ला समन्वय समिति गुल्मीमा पठाइएको छ भने यस्तै गणेश विक्रम शाहको गृह मन्त्रालयबाट भौतिक पूर्वाधार तथा यातायात मन्त्रालयमा पठाइएको छ ।


सामान्यले उपलव्ध गराएको जानकारी अनुसारराष्ट्रिय विपद प्राधिकरणका बैकुण्ठ पौडेल भौतिक मन्त्रालयमा पुगेका छन् । यस्तै नारायण सापकोटा गण्डकी प्रदेश मुख्यमन्त्रीको कार्यालयबाट निर्वाचन आयोगमा ल्याइएको छ भने रश्मी किरणको मुख्यमन्त्री तथा मन्त्रीपरिषद्को कार्यालय मधेश प्रदेशबाट नेपाल ट्रष्टको कार्यालयमा तानिएको छ ।

Advertisement 2

विद्यालय निरीक्षकको रुपमा कार्यरत दशरथ भट्ट मुख्यमन्त्री तथा मन्त्रिपरिषद्को कार्यालय सुदूरपश्चिमतर्फ पठाइँदा सुशिलकुमार खड्काको सघीय संसद सचिवालयबाट मुख्यमन्त्री तथा मन्त्रीपरिषद्को कार्यालय बागमती प्रदेशमा पठाइएको छ ।

यस्तै सघन शहरीमा कार्यरत आशिष श्रेष्ठ सार्वजनिक खरिद अनुगमनको कार्यलयतिर पठाइएको छ भने नापी कार्यालय सुनसरीबाट अर्चना केसीलाई शहरी विकास अन्तरगत ल्याइएको छ ।

प्रकाशित :२०७९ भाद्र १९, आईतवार १०:४८

यो खबर पढेर तपाईलाई कस्तो महसुस भयो ?

0%

like

0%

love

0%

haha

0%

wow

0%

sad

0%

angry