स्थानीय तह र प्रदेशका अधिकृतहरुलाई सेवाकालीन तालिमको अवसर (सूचनासहित)
स्थानीय विकास प्रशिक्षण प्रतिष्ठानले प्रदेश र स्थानीय तहमा कार्यरत अधिकृत तहका कर्मचारीहरुलाई सेवकालीन तालिमका लागि मनोनयन फाराम भर्न सूचना निकालेको छ । प्रतिष्ठानले प्रदेश र स्थानीय तहमा कार्यरत छैटौं र सातौ तहका अधिकृतहरुको क्षमता अभिबृद्धि गर्ने उदेश्यले ३० कार्य दिनको सेवाकालीन प्रशिक्षण दिन लागेका कारण मनोनयन दर्ता गर्न आह्वान गरेको हो ।
Advertisement 1
प्रतिष्ठानका कार्यकारी निर्देशक तथा सहसचिव कुमार प्रसाद दाहाल हस्ताक्षरित पत्रमा आगामी साउन ३० गतेबाट सञ्चालन हुने सेवाकालीन प्रशिक्षण कार्यक्रममा भाग लिन योग्य र इच्छुक कर्मचारीले आगामी सायन २० गतेभित्र मनोनय फाराम भरेर बुझाइसक्नुपर्ने सूचनामा उल्लेख गरिएको छ । तालिम लिनका लागि हाल बहाल रहेको पदमा २ बर्ष सेवा अवधि पूरा गरेको हुनुपर्ने प्रावधान राखिएको छ ।
[pdf-embedder url=”http://64.227.140.142/wp-content/uploads/sites/2/2022/07/talim.pdf”]
