स्वास्थ्य सेवा विभागले बढुवा भएको ६ महिना पछि ६६ कर्मचारीको स्तरबृद्धि रद्ध गरेको छ । ०७८ पुष २९ को निर्णयानुसार पाँचौ तहबाट छैठौं तहमा स्तरवृद्धि भएका कर्मचारीहरुलाई ६ महिना पछि असार २८ को सचिवस्तरीय निर्णयबाट उनीहरुको स्तरबृद्धि रद्ध गर्ने निर्णय गरिएको हो ।

Advertisement 1

स्वास्थ्य सेवा विभागले मन्त्रालयको सचिव स्तरको राय तथा विभागको निर्णय अनुसार भन्दै मंगलबार स्तरबृद्धि बदर गरेको हो जस्को विवरण विभागले आफ्नो वेवमार्फत सार्वजनिक गरेको छ ।

विभागले शैक्षिक योग्यता र आन्तरिक मूल्यांकन सम्वन्धी व्यवस्था केही बाझिएकोले त्यसलाई कानून सम्वत गर्दा स्तरबृद्धि बदर भएको जनाएको छ ।

Advertisement 2

नेपाल स्वास्थ्य सेवा ऐन, २०५३ (संशोधन सहित २०७०) दफा ९ को (१) अनुसार ऐनको दफा ९(४) बमोजिम जुन तहबाट स्तरवृद्धि भएको हो सोही तहको काम गर्ने गरी ऐनको दफा ५ र नेपाल स्वास्थ्य सेवा नियमावली, २०५५ (संशोधन सहित २०७०) को नियम ७ बमोजिम स्तरवृद्धिको निर्णय वदर गरिएको छ ।