नगरसभा भएको खुसीमा सार्वजनिक बिदा

दैलोको सिंहदरबार भभनिने स्थानीय तहमा अचेल अनेकन खालका विदाहरु दिइएको भेटिन्छ । कुनै स्थानीय तहले देवर नातेदारको मृत्यु भएको भन्दै सार्वजनिक बिदा दिएका छन्त कतै आफु निर्वाचित भएको भन्दै सार्वजनिक बिदा नै दिएका छन् ।
यस्तैमा सिन्धुपाल्चोकको बाह्रबिसे नगरपालिकाले भोलिका लागि सार्वजनिक बिदा दिएको छ । नगरसभा सफलतापूर्वक सम्पन्न भएको भन्दै शुक्रबार सार्वजनिक विदा दिएको नगरपालिकाले जनाएको छ ।
Advertisement 1
नगरपालिकाको प्रमुख प्रशासकीय अधिकृत अमरप्रसाद भट्टद्धारा हस्ताक्षरित पत्रमा भनिएको छ,असार ९ गते ११ औं नगरसभा सफलतापूर्वक सम्पन्न भएकोमा मिति ७९ असार १० गते शुक्रबारको दिन नगरपालिका एवम् नगर अन्तर्गत रहेका सम्पूर्ण कार्यालयहरुमा सार्वजनिक विदा दिने निर्णय भएको जनाइएको छ । विगतमा पनि नगरसभा सम्पन्न भएको भोलिपल्ट सार्वजनिक विदा दिने गरेकाले यसपटक पनि दिइएको नगरपालिकाले जनाएको छ ।