बागमती प्रदेशसभाको बैठक अवरुद्ध भएको छ । सरकारले प्रस्तुत गरेको आगामी आर्थिक वर्ष २०७९/८० को नीति तथा कार्यक्रममाथि छलफल गर्न बोलाइएका बैठकमा एमालेका प्रदेश सांसदले उठेर विरोध जनाएका थिए । त्यसपछि सभामुख सानुकुमार श्रेष्ठले एमालेका मुख्य सचेतक दीपक निरौलालाई आफ्ना भनाइ राख्न समय उपलब्ध गराएका थिए ।
गत १३ गतेमात्र एमाले निकट तीन जना कर्मचारीलाई अनियमित ढंगले सरुवा गरेको भन्दै उनीहरुले अवरोध गरेको जनाइएको छ । एमाले निकट भएकै कारण वाग्मती प्रदेश सरकारले तीन जना कर्मचारीलाई सरुवा गरेकोले उक्त घटना छानबिन गर्न सर्वपक्षीय छानबिन समिति गठन गरियोस् ।

Advertisement 1

बाग्मती प्रदेशले हालै मात्र पशुपन्छी तथा मत्स्य विकास केन्द्रका तीन कर्मचारीलाई सरुवा गरेको थियो । सरुवामा परेका कर्मचारीहरुमा पशुपन्छी तथा मत्स्य विकास निर्देशनालय, हेटौडाका अधिकृत स्तर दसौँ डा मोगल प्रसाद शाह,ध्रुब डिसी र प्रकाश चापागाईँ रहेका छन् ।