प्रमुख प्रशासकीय अधिकृतसहित पाँच जना अख्तियारको फन्दामा
मुगुको छायाँनाथ रारा नगरपालिकाका प्रमुख प्रशासकीय अधिकृत पिताम्बर सारुसहित पाँच जना अख्तियारको फन्दामा परेका छन् ।
Advertisement 1
आर्थिक वर्ष २०७४/०७५ मा नगरपालिकाको वडा नम्बर २ मा पर्ने पैदल बाटोमा पक्की सिँढी बनाउन विनियोजन गरेको रकममा भ्रष्टाचार गरेको दाबी गर्दै अख्तियारले मुद्दा दायर गरेको हो ।
२९ लाख ७७ हजार ८२१ रुपैयाँ भ्रष्टाचार गरेको अख्तियारको दाबी छ । अख्तियारले हिनामिना भएको रकमबराबरको बिगो दाबी गर्दै तत्कालीन प्रशासकीय अधिकृत पिताम्बर सारु, असिस्टेन्ट सवइञ्जिनियर हस्तबहादुर मल्ल र इञ्जिनियर महेश सिंह, उपभोक्ता समितिका अध्यक्ष राममाया मल्ल र कोषाध्यक्ष रत्नादेवी हमालविरुद्ध मुद्दा दायर गरेको हो ।
Advertisement 2
आरोपपत्रमा भनिएको छ, ‘नगरपालिकाले वडा नं २ मा पर्ने पैदल बाटोमा पक्की सिँढी निर्माण गर्ने गरी आव २०७४/०७५ मा विनियोजन भएको रकम हिनामिना गरेको भन्ने उजुरी निवेदन सम्बन्धमा अनुसन्धान हुँदा छायाँनाथ रारा, नगरपालिका २ स्थित अदालत चोकदेखि प्रशासनसम्मको सडक निर्माणको कार्यमा सव–इन्जिनियर तथा इन्जिनियरले वास्तविक कार्यभन्दा बढी कार्य भएको देखाई तयार पारेको देखिन्छ।’
नापी किताबमा प्रमुख प्रशासकीय अधिकृत सारुले सही गरी नापीको विवरणमा सहमति जनाई, प्रतिवादीद्वय असिस्टेन्ट सव–इञ्जिनियर हस्तबहादुर मल्ल र इञ्जिनियर महेश सिंह कठायतले फिल्डमा कम काम भएकोमा बढी काम भएको भनी नापी किताबमा मूल्यांकन गरी झुठ्ठा नापजाँच विवरण चढाई गलत सिफारिस गरी रकम २९ लाख ७७ हजार ८२१ रुपैंया सरकारी हानिनोक्सानी पुर्याएको आरोपपत्रमा उल्लेख छ।
