मन्त्रिपरिषद्का पछिल्ला बैठकमा ६ वटा निर्णयहरु सार्वजनिक भएका छन् । हिजो बसेको क्याविनेटले नियुक्ति,बढुवा,जग्गा प्राप्ति स्वीकृति लगायतका निर्णय गरेको छ । मन्त्रिपरिषद्को हिजोको बैठकले सरकारले प्रहरी अतिरिक्त महानिरीक्षकका धिरजप्रताप सिंहलाई प्रहरी महानिरीक्षक पदमा बढुवा नियुक्ति गरेको छ । त्यस्तै सशस्त्र प्रहरी अतिरिक्त महानिरीक्षक राजु अर्याललाई सशस्त्र प्रहरी महानिरीक्षक पदमा बढुवा गरेको छ । यस्तै राष्ट्रिय प्रतिरक्षा विश्वविद्यालय पूर्वाधार निर्माण विकास समिति गठन दोस्रो संशोधन आदेश २०७९’ स्वीकृत गरेको छ ।
यस्तै कोष तथा लेखा नियन्त्रक कार्यालय खोटाङको लागि जग्गा प्राप्ती गर्न स्वीकृति प्रदान गर्ने निर्णय गरेको छ । यस्तै दिवा शिशु स्याहार केन्द्र सञ्चालनका लागि निजामति कर्मचारी श्रीमती संघसँग थप ५ वर्षको सम्झौता गर्न निर्णय गरेको छ ।
यस्तै लोकसेवा आयोगको सिफारिस बमोजिम विभिन्न सेवा समूहका राजपत्राङ्कित द्धितीय श्रेणीका तीन जना अधिकृतहरुलाई सम्बन्धित सेवा समूहको राजपत्राङ्कित प्रथम श्रेणीमा बढुवा गर्ने निर्णय गरेको छ ।