दिनेश थपलिया अकस्मात दुश्मन
सचिवबाट भूपू नहुँदै एक समय आफैँले नियुक्त गरेका प्रमुख निर्वाचन आयुक्त दिनेश थपलियाको प्रतिरक्षामा खरो भएर लाग्ने एमाले अध्यक्ष खड्गप्रसाद ओली अहिले उनैको हुर्मत लिन कस्सिनुभएको छ । पहिला थपलियाले ओलीको पक्षमा काम गरिरहँदा उनको ‘हाइहाइ’ गरिएकै हो ।
Advertisement 1
अध्यक्ष ओली खबरदार, थपलिया र निर्वाचन आयोगजस्तो संवैधानिक अंगलाई दागा धरौला भनेर कराइरहनुहुन्थ्यो । तर, अहिले भूपू प्रधानमन्त्री भइसक्नुभएका ओलीको इच्छाअनुसार थपलिया जान सक्ने अवस्था नरहेपछि बोलि बदलिएको छ । विश्लेषकका अनुसार सत्तामा रहेका बखत ओली गरुडको भूमिकामा हुनुहुन्थो भने थपलिया सर्प देखिन्थे ।
गरुडको अघि सर्प लल्याकलुलुक्क भएझैं थपलियाले ओलीसामु नतमस्तक भएरै बहुमतलाई नभई ओलीलाई नेकपा बुझाएका हुन् । अहिले सत्ताबाहिरबाट आफू अनुकूलका निर्णय नआउनेबित्तिकै ओलिले भन्न थाल्नुभएको छ– ‘त्यो हरियो मतपत्र कसले बनाउनु भन्यो ?’ जनताको मतभन्दा पनि रंगमा विश्वास गर्ने यो अभिव्यक्तिबाट निर्वाचन आयोगले आइन्दा कुनै पनि काम गर्नुअघि ओलीसँग परामर्श लिनुपर्ने थियो भन्ने देखिन्छ । कतै यो स्थानीय चुनाव समयमै गराउन एमाले तयार नहुनुको संकेत त होइन भन्ने पनि आशंका छ ।
Advertisement 2
थपलियाले ४४१ केन्द्रीय सदस्य भएको पार्टीमा बहुमत र अल्पमतको प्रश्न उठ्दा त्यसको निरूपण गर्ने बेला उपेन्द्र यादव र महन्थ ठाकुरलाई जस्तो लाइन लगाइदिएको भए आज ओली न एमाले, न त सूर्य छापकै हकदार रहनुहुन्थ्यो । उहाँलाई नेकपाले नै कारबाही गरेको अवस्था हुन्थ्यो । पार्टी नेकपा नै रहिरहन्थ्यो ।
केपी र विष्णु पौडेललाई कारबाही गरेर पठाएको बेला सर्वोच्च अदालतले फैसला गरेपछि पार्टीको अर्को नाम लिएर आऊ भन्नासाथ परिस्थिति नै बेग्लै हुन्थ्यो । अहिले ओलीलाई आफ्नो क्षति हुने स्थानीय चुनाव तत्कालै चाहिएको छैन भन्ने दाबी एकथरी विश्लेषकको छ ।
Advertisement 3
संवैधानिक आयोगमा पदाधिकारीविहीन हुँदा कर्मचारीले पनि आयोगको कामलाई निरन्तरता दिएको नजिर छ । केही वर्षपहिले अख्तियार दुरूपयोग अनुुसन्धान आयोगबाट सबै आयुक्तले अवकाश पाउँदा सचिव भवानी काफ्लेले एक वर्ष कामकाज सम्हालेका थिए । प्रहरीको सुडान घोटाला काण्डमा आइजिपीहरूविरुद्ध उनैले हो मुद्दा चलाएको ।
अहिले पनि अदालतले अध्यादेशबाट भएका संवैधानिक नियुक्ति उल्ट्याइहाल्यो भने पहाडै पल्टने होइन । संस्था र सिष्टम रहेसम्म पात्र परिवर्तनले केही फरक पार्दैन भन्ने मत बलियो छ । जनआस्था साप्ताहिकबाट
