लोकसेवा सम्मेलनः नियुक्ति, बर्खास्त र मर्यादाक्रम मापदण्ड पुनरावलोकनको माग
लोकसेवा आयोगका अध्यक्ष तथा पदाधिकारीहरूको रुपन्देहीको तिलोत्तमामा दुई दिने दोस्रो राष्ट्रिय सम्मेलन सम्पन्न भएको छ । उक्त राष्ट्रिय सम्मेलनले पदाधिकारीको नियुक्ति र बर्खास्त तथा मर्यादाक्रमलाई पुनरावलोकन गर्न माग गर्ने निर्णय गरेको छ ।
Advertisement 1
संघीय निजामती सेवा, प्रदेश निजामती सेवा र स्थानीय सेवाको पदमा कार्यरत स्थायी कर्मचारीलाई उमेरको हद लाग्ने विषयमा सम्बन्धित कानून वा लोकसेवा आयोग, प्रदेश लोकसेवा आयोग ऐनमा आवश्यक व्यवस्था मिलाउन पहल हुने भएको छ ।
सम्मेलनले २०७६ वैशाख १६ गते निर्धारण भएको लोकसेवा आयोग र प्रदेश लोकसेवा आयोगका अध्यक्ष र सदस्यहरूको मर्यादाक्रमलाई पुनरावलोकन गर्न सरकारलाई माग गर्ने निर्णय गरेको आयोगका अध्यक्ष माधवप्रसाद रेग्मीले बताए ।
Advertisement 2
प्रदेश तथा स्थानीय तहहरुले प्रक्रियाविपरीत बढुवा, तहवृद्धि गर्ने कार्यहरूलाई प्रदेश लोकसेवा आयोगले कानुनअनुसार रद्दतर्फ कारबाही अगाडि बढाउने निर्णय पनि सम्मेलनले गरेको छ ।
