सरकारले थप ६ वटा चाडपर्वको अवसरमा सार्वजनिक बिदा दिने भएको छ । सोमबार बसेको बसेको मन्त्रिपरिषद बैठकले थप ६ वटा चाडलाई सार्वजनिक बिदा दिने निर्णय गरेको गरेको संघीय मामिला तथा सामान्य प्रशासन मन्त्री राजेन्द्र श्रेष्ठले जनाएका छन् ।मन्त्री  श्रेष्ठको विशेष पहलमा सरकारले आगामी वर्षदेखि  ६ वटा चाडपर्वको अवसरमा सार्वजनिक बिदा दिने निर्णय सरकारले गरेको बताइएको छ ।

Advertisement 1

मन्त्री श्रेष्ठका अनुसार, आगामी वर्षदेखि उभौली पर्व–चण्डी पूर्णिमा, उधौली पर्व, योमरी पुन्ही ज्यापू विस (धान्य पूर्णिमा), क्रिसमस डे, तमु ल्होसार, सोनाम ल्होसार र ग्याल्पो ल्होसारका दिन सार्वजनिक बिदा दिने भएको छ ।

फागुन ३ गते मन्त्रिपरिषद प्रशासन समितिका संयोजक मन्त्री राजेन्द्र प्रसाद श्रेष्ठको संयोजकत्वमा बसेको बैठकको सिफारिस अनुसार मन्त्रिपरिषदले ६ चाडलाई सार्वजनिक बिदा दिने निर्णय भएको हो ।मन्त्री श्रेष्ठका अनुसार,उभौली, उधौली, क्रिसमस, तमु ल्होसार, सोनाम ल्होसार, ग्याल्पो ल्होसार आदि चाडपर्वका दिन विदाका लागि डेलिगशन जानुपर्ने दिन अन्त्य भएको छ । यी महत्त्वपूर्ण चाडपर्वहरूमा सम्बन्धित समुदायलाई मात्र नभई दशैं, तिहारमा जस्तै सबैलाई सार्वजनिक बिदा हुने छ ।’

Advertisement 2

निश्चित दिन एकमुष्ट चाडपर्व बिदा छुट्याई सबै समुदायले आवश्यकताअनुसार आआफ्नो चाडपर्वमा विदा लिने तथा शनिवार र केही राष्ट्रिय दिवसका दिनबाहेक सेना, प्रहरी, प्राइभेट सेक्टरका बैक, वित्तीय संस्था, सार्वजनिक संस्था आदि जस्तै बाह्रै महिना सरकारी कार्यालय चलाउँदा देशको उत्पादकत्व वृद्धि हुने प्रस्ताव भने पारित नभएको मन्त्री श्रेष्ठको भनाई छ ।