सरकारले कोरोना संक्रमित कर्मचारीहरुको बिदा कटौती गरेको छ । यस अघि कोरोना संक्रमित कर्मचारीहरुले १४ दिन बिदा पाउने गरेकोमा सो बिदा कटौती गरेको हो ।कोरोनाको पहिलो र दोश्रो लहरमा १४ दिन बिदा पाउँदै आएका कर्मचारीहरुको कोरोना बिदा कटौती गरिएको हो । क्याविनेटको गत ३० पुसमा बसेको बैठकले अब संक्रमित अस्पताल भर्ना हुनुपरेको अवस्थामा डिस्चार्ज भएको मितिले तीन दिनसम्म मात्रै बिदा पाउने छन् ।
यस्तै होम आइसोलेशनमा बसेकाले सात दिनसम्मको बिदा पाउँदा कन्ट्याक्ट ट्रेसिङमा परेकाको हकमा भने सम्बन्धित सुपरीवेक्षकको अनुमति लिई कोभिड–१९ परीक्षण नगरेसम्म बढीमा पाँच दिनसम्म बिदा पाउने मन्त्रालयले जारी गरेको परिपत्रमा उल्लेख छ ।
संघीय मामिला तथा सामान्य प्रशासन मन्त्रालयले सबै मन्त्रालय,विभाग,प्रतिष्ठान,सचिवालय,सातै प्रदेश र ७५३ वटै स्थानीय तहलाई परिपत्र गर्दै कोरोना बिदा कटौती गरेको जनाएको हो ।

Advertisement 1

मन्त्रालयका उपसचिव दशरथ ओडद्धारा जारी गरिएको परिपत्रमा भनिएको छ,जु्नसुकै सार्वजनिक संस्थानका पदाधिकारी वा कर्मचारी कोभिड १९ बाट संक्रमित भएमा अस्पताल बसेकोमा अस्पतालबाट डिष्चार्ज भएको तीनदिनसम्म,होम आइसोलेसनमा बसेको हकमा सात दिनसम्मका लागि र कन्ट्याक टर्ेसिङमा परेको हकमा सम्बिन्धत सुपरीवेक्षकको अनुमित लिइ कोभिड १९ परिक्षण नगरेसम्म्का लागि बढीमा ५ दिनसम्म निजको संचित बिदाबाट कट्टी नहुने गरी बिदा जनाउने ।
मन्त्रालयले २०७८ पुस ३० गतेको मन्त्रिपरिषद बैठकका निर्णय कार्यान्वयनका लागि भन्दै सो परिपत्र गरेको हो ।

्