के तपाईंसँग कोरोना भाइरसविरुद्धको खोप लगाएको कार्ड छ ? यदि छैन भने आजबाट सार्वजनिक सेवा लिनबाट वञ्चित हुनुहुनेछ । यदी तपाईले खोप लगाउनु भएको छैन वा लगाएर पनि खोप कार्ड साथैमा बोक्नु भएको छैन भने आजबाट सार्वजनिक सेवाबाटै बञ्चित हुनुपर्ने छ । गृह मन्त्रालयले आजदेखि सार्वजनिक सेवा प्राप्त गर्न खोप कार्ड अनिवार्य गरेको हो। यसरी सार्वजनिक सेवा लिनका लागि खोप कार्ड अनिवार्य गरिएका क्षेत्रहरुमा सपिङ मल देखि पाटी प्यालेससम्म छन् । यस्तै होटल,रेष्टु्रा,सिनेमा हल, रंगशाला, हवाईयात्रा, पार्क आदि) प्रवेश गर्दा अनिवार्य रुपमा कोभिड विरुद्धको खोप लगाएको कार्ड चाहिने भएको छ । मोबाइलमा खोपकार्डको फोटो खिचेको भए पनि मान्य हुनेछ ।

Advertisement 1

सार्वजनिक ठाउँमा खोप कार्ड बाध्यात्मक बनाउँदा धेरैजना खोपको दायरामा आउने भए पनि कार्यान्वयनमा जटिलता देखिने विज्ञहरुको भनाइ छ ।

खोप कार्ड हराएमा कसरी प्राप्त गर्ने ?

Advertisement 2

कोभिड–१९ विरुद्धको पूर्ण खोप लगाइसकेको तर खोप कार्ड हराएको खण्डमा प्रतिलिपि बनाउन पाइने भएको छ । दुवै मात्रा खोप लगाइसकेको भए दोस्रो मात्रा लगाएको खोप केन्द्र वा खोप लगाएको स्वास्थ्य संस्था भएको पालिकाको स्वास्थ्य शाखाबाट कार्ड लिन सकिने स्वास्थ्य तथा जनसंख्या मन्त्रालयले जनाएको छ ।दोस्रो जोन्सन एण्ड जोन्सन खोप लगाएको भए सोही केन्द्र वा खोप लगाएको स्वास्थ्य संस्था भएको पालिकाको स्वास्थ्य शाखाबाट खोप कार्डको प्रतिलिपि लिन सकिने मन्त्रालयले सूचनामा उल्लेख गरेको छ । त्यसैगरी, पहिलो मात्रामात्र खोप लगाएकाले खोप लगाएकै केन्द्र वा खोप लगाएको स्वास्थ्य संस्था भएको पालिकाको स्वास्थ्य शाखाबाट खोप कार्डको प्रतिलिपि लिन सकिने मन्त्रालयले व्यवस्था गरेको छ ।