एमसीसी र बिआरआई
अखवारका पानामा, टिभीका पर्दामा
जताततै तिमी छौ हरेक पल पलमा
राजनीतिमा तिमी छौ कुटनीतिमा पनि
चर्चामा आई रहेछौ कोभिड भन्दा पनि।
सत्तामा मात्र हैन प्रति पक्षमा तिमी छौ
सदनमा मात्र हैन सडकमा पनि तिमी छौ
एउटा देशमा मात्र हैन अरू देशमा पनि छौ
अरूमा त थाहा छैन चर्चामा भने धनी छौ।
गेम चेन्जरमा तिमी छौ, कतै शीत युद्धमा
विश्व दुईवटा हुदै छ यस्तै यस्तै मुद्धामा
तिमीहरू बीच लडाई छ मिचिन्छौ हामीहरू
दुबैले थापेका छौ बल्छी र पासाहरू।
घरका कुरा बिर्सिएर कुदेका छन् तिम्रा पछि
कान समात्न नलागेर कुद्दै छन् कागका पछि
अर्काले बजाउछ ताली हामी सबै उफ्रिदैछौ
हरेक क्षणमा हामी हावाको पछि कुद्दै छौ।
हामी मादल भएका छौ बजाछन्
अरूले नै हामी त सकिन्छौ नै स्वार्थ लुट्छन
अरूले नै हामीआफै कमजोर त किन दोष अरूलाई
सुरक्षित बनौ हामी थैलीको मुख बन्द गराई
प्रकाशित :२०७८ पुष ६, मंगलवार २०:४६
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
