लोकसेवाले माग्यो २८४ शाखा अधिकृत (विज्ञापनसहित)
लोक सेवा आयोगले विभिन्न सेवा र समूहका २८४ जना शाखा अधिकृतका लागि विज्ञापन खोलेको छ । आयोगले आज सामान्य प्रशासन, राजश्व, लेखा, लेखा परीक्षण, परराष्ट्र, न्याय, कानुन र सरकारी वकिलका लागि खुल्ला र ज्येष्ठता गरी दुई सय ८४ जनाका लागि विज्ञापन खोलेको हो ।
Advertisement 1
विज्ञापन अनुसार,खुला ११८ जना माग गरिएको छ । जसमा प्रशासन सेवाबाट ४६,लेखा समूहबाट ४७,राजश्व ११,लेखापरीक्षण १३ र संसद सेवाबाट १ जना रहेको छ ।
यस्तै महिला कोटाबाट प्रशासन सेवातर्फबाट १२ जना,लेखा समूहबाट १३ जना,राजश्व समूहका लागि तीन जना र लेखापरीक्षण समूहका लागि ३ जना गरी कूल ३१ जनाका लागि खुलाइएको छ । विज्ञापन अनुसार,आदिबासी जनजातीतर्फ २६ जनाका लागि कोटा छ्ट्टाइएको छ भने मधेसी २१ जना,दतिल १० र अपांग ५ र पिछडिएको क्षेत्रबाट तीन जनाका लागि कोटा छ्ट्टाइएको छ ।
आयोगका अनुसार,आगामी २० पुसभित्र नियमित शुल्क तिरेर र त्यस्को सात दिन पछि अर्थात (२७ पुस)सम्म विलम्ब शुल्क तिरेर दरखास्त दिन सकिने छ ।
loksewa
