कर्णाली प्रदेशले अब आफै कर्मचारी पदपूर्ति गर्ने भएको छ।  सहायक चौथो (खरिदार) तहका अप्राविधिक र प्राविधिकका लागि माघ महिनामा कर्मचारी माग गर्ने आयोगको तयारी छ।

Advertisement 1

अप्राविधिक तर्फको प्रथम पत्रको परीक्षा बैशाखमा परीक्षा लिने र जेठमा परीक्षा फल प्रकाशित गर्ने छ। असारमा दोस्रो तहको परीक्षा सञ्चालन गरेर असोजरकार्तिकमा लिखित परीक्षाको अन्तिम नतिजा प्रकाशित गर्ने आयोगको कार्यतालिका छ। सबै परीक्षाहरू पार गरेका अप्राविधिकतर्फका उम्मेद्वारलाई मंसिर वा पुसमा सिफारिस गरिने छ।

चौथो तहकै प्राविधिकतर्फका परीक्षा भने जेठमा सञ्चालन हुने छ। असोज वा कात्तिकमा लिखित परीक्षाको नजिता प्रकाशित गरेर मंसिर र पुस महिनासम्म सिफारिस गरिसक्ने आयोगको कार्यतालिका छन्। कुनै असामान्य परिस्थिति आइपरेमा मात्रै कार्यतालिका पुनरावलोकन गरिने आयोगले जनाएको छ।त्यस्तै आयोगले सहायक पाँचौं तहका प्राविधिक र अप्राविधिक (नासु) पदका कर्मचारी पूर्तिका लागि पुसको अन्तिम मंगलबार विज्ञापन गर्ने कार्यतालिका बनाएको छ।

Advertisement 2

नासु तहमा अप्राविधिकतर्फको प्रथम पत्रको परीक्षा फागुनमा सञ्चालन हुने छ। चैतमा लिखित परीक्षाको नतिजा प्रकाशित गरेर वैशाखमा दोस्रो पत्रको परीक्षा लिने कार्यतालिका बनाएको छ।आफै कर्मचारी नियुक्तीका लागि हाल कति दरबन्दी खाली छ भन्ने तथ्यांक संकलन भइरहेको आयोगका अध्यक्ष रामप्रसाद उपाध्यायले बताए। तथ्यांक संकलनको काम ५० प्रतिशतमा सकिएको छ।