स्वास्थ्य तथा जनसंख्या मन्त्रालयले एक जना अधिकृतलाई बर्खास्त गरेको छ । किर्ते कागजात बनाएर १४ जना स्वास्थ्यकर्मीहरुको सरुवा गरेको अभियोगमा शाखा अधिकृत बासुदेव गजुरेल सरकारी सेवाबाट बर्खास्त गरेको सूचनामा जनाइएको छ । मन्त्रालयको सूचनामा उनलाई भविष्यमा सरकारी सेवामा अयोग्य ठहरिने गरी १९ पुस २०७५ देखि लागू हुने गरी सेवाबाट बर्खास्त गरिएको सूचनामा जनाइएको छ । मंगलबार स्वास्थ्य मन्त्रालयले सूचना प्रकाशित गरी भविष्यमा सरकारी सेवाका लागि अयोग्य ठहरिने गरी सेवाबाट बर्खास्त गरेको सूचनामा जनाइएको छ ।

Advertisement 1

मध्यमाञ्चल क्षेत्रीय स्वास्थ्य निर्देशनालय हेटौडामा कार्यरत रहेको समयमा किर्ते कागज बनाएर राजकिशोर यादव, मदनप्रसाद साह, रामरतन यादव, ज्ञानेन्द महतो, अर्पना महासेठ, शुभलक्ष्मी यादव, गणेशलाल विक, मन्दिरा श्रेष्ठ, दिनेशकुमार साह, प्रदीपकुमार यादव, शान्ता विक, तुलसा थापा र अनुराधा गौतमसहित १४ जना स्वास्थ्यकर्मीलाई सरुवा गरेका थिए ।
सोही किर्ते कर्ममा संग्लग्न रहेको अभियोग पछि उनीविरुद्ध जिल्ला अदालत मकवानपुरमा मुद्धा मात्र दायर भएन १९ पुस २०७५ मा जिल्ला न्यायाधीश ध्रवकुमार पियाको इजलासबाट कसुरदार ठहर गरी २ बर्ष कैद र ५० हजार रुपैयाँ जरिवाना सुनाएको थियो । फैसलापछि फरार रहेका अधिकृत गजुरेललाई स्वास्थ्य तथा जनसंख्या मन्त्रालयले निजामती सेवा ऐन ०४९ को दफा ६१ को उपदफा २ को खण्ड (क) बमोजिम नैतिक पतन देखिने गरी फौजदारी अपराध गरेको ठहर गर्दै मन्त्रालयले सरकारी सेवामा भविष्यमा समेत अयोग्य हुने गरी बर्खास्त गरिएको सूचनामा उल्लेख गरिएको छ ।