काठमाडौं उपत्यकामा सञ्चालित सार्वजनिक सवारी साधनको भाडामा वृद्धि भएको छ । प्रदेशभित्र सञ्चालन हुने यात्रुबाहक सार्वजनिक सवारी साधन (उपत्यका बाहेक) को हकमा २३ प्रतिशतले भाडा वृद्धि गरिएको हो ।
यसैगरी काठमाडौं उपत्यकामा चल्ने यातायातका साधनमा पनि भाडा वृद्धि भएको छ । जसअनुसार ५ किलोमिटर दुरीसम्मको भाडा रु १८ कायम गरिएको छ भने १० किलोमिटरसम्म रु २३, रु १५ किलोमिटरसम्म रु २७, २० किलोमिटरसम्म रु ३० र २० किलोमिटर भन्दा माथि रु ३५ कायम गरिएको बागमती प्रदेश यातायात मन्त्रालयले जनाएको छ।
यातायात व्यवसायीको आन्दोलनपछि भाडा वृद्धि गरिएको हो। वागमती प्रदेशको भौतिक पूर्वाधार विकास मन्त्रालयले आज काठमाडौं उपत्यकासहित वागमती प्रदेशमा सञ्चालित सार्वजनिक सवारी साधनको भाडा वृद्धि गरेको हो । वागमती प्रदेशमा १३ जिल्ला छन् ।

Advertisement 1

भौतिक पूर्वाधार तथा यातायात मन्त्रालयको विसं २०७८ असार २७ को मन्त्रिस्तरको निर्णयानुसार यातायात व्यवस्था विभागबाट विसं २०७८ असार २९ गते अन्तर प्रदेश रुटको भाडा समायोजन गरेर प्रदेशभित्र सञ्चालन हुने छोटो रुटको हकमा प्रदेश सरकारबाट नै भाडा समायोजन गरिनुपर्ने कानूनी व्यवस्था गरेको थियो ।

नयाँ भाडा कार्तिक १ देखि लागु हुनेछ ।

Advertisement 2