सामान्यता घर जान दुई तीन महिना अवधि बाँकी रहेका कर्मचारी चलाइदैनन् तर कृषि मन्त्री समेत रहेका शेरबहादुर देउवाले अबको दुई महिना पछि अनिवार्य अवकाश पाउन लागेका सहसचिव उपेन्द्र रायलाई मन्त्रालयमा तानेर त्यहाँ मतिना वैद्यलाई खटाएका छन् ।

Advertisement 1

वैद्य विगतमा सोही विभागमा हुँदा चिनीको चास्नीमा डामिएकी पात्र हुन् । भारतको सिम्भावली सुगर लिमिटेडले निर्यात गरेको ७२ हजार किलो चिनी आयात गर्न अयोग्य देखिएको थियो । सोही अखाद्य अर्थात खानै नमिल्ने चिनीलाई खान योग्य भन्दै प्रमाणीत गरिदिन विवाद्स्पद् छविको कर्मचारीलाई खाद्य प्रविधि तथा गुण नियन्त्रणको साँचो सुम्पिएको हो ।

Advertisement 2

जलेश्वरस्थित खाद्य आयात–निर्यात गुणस्तर प्रमाणीकरण कार्यालयले उक्त चिनीको उपभोग गर्ने म्याद नाघेको भन्दै प्रतिवेदन बुझाएको भए पनि खाद्य प्रविधि तथा गुण नियन्त्रण विभागकी तत्कालीन महानिर्देशक डा. मतिना वैद्यले उक्त प्रतिवेदनविपरीत ‘योग्य’ भनेर प्रमाणित गरेसँगै उक्त आयातित चिनीको गुणस्तर परीक्षण सम्बन्धमा प्रश्न उठेपछि कृषिका सहसचिव नारायणप्रसाद रेग्मी संयोजक, पशु सेवा विभागका महानिर्देशक डा वंशी शर्मा र कृषि तथा पशुपन्छी विकास मन्त्रालयका वरिष्ठ खाद्य अनुसन्धान अधिकृत प्रमोद कोईराला सदस्य रहेको समितिले चिनीको गुणस्तर परीक्षणमा लापरबाही गरेको भन्दै महानिर्देशक जोशीसहित उपमहानिर्देशक राकेश त्रिपाठी र वरिष्ठ खाद्य अनुसन्धान अधिकृत कृष्ण राईलाई कारबाही गर्न प्रतिवेदन पेश गरेको थियो । सो प्रतिवेदनले दोषी करार गरेको व्यक्तिलाई पुरस्कृत गर्दै देउवाले खाद्य प्रविधि तथा गुण नियन्त्रण विभागको हाकिममा रुपमा खटाएका छन् । उनी यो काण्डमा डामिएर कर्णाली प्रदेशमा सरुवा भएकी थिईन तर खटाएको ठाउँमा नगइ बसेकी कर्मचारी हुन् ।