कतिपय विद्यार्थीहरु लोक सेवालाई हाउगुजीको रुपमा लिन्छन् । लोक सेवा पास हुन कडा प्रतिस्पर्धा हुन्छ, थोरै विद्यार्थीमात्र पास हुन्छहुन, धेरै गाह्रो छ, पास गर्न सक्दिन भन्ने सोच्छ राख्दा विद्यार्थी पहिले नै हतोत्साहित हुन्छन् ।

Advertisement 1

दवावमा पढ्दा सेलेवस अनुसार जति पढ्नुपर्ने हो, त्यो भन्दा धेरै पढ्छन् । अनावश्यक कुराहरु पनि कण्ठ गरेर बस्छन् । किताव घोकेर हुँदैन । व्यवहारिक भएर प्रश्नको उत्तर दिनुपर्छ । घोकाइको ज्ञानले लोक सेवालाई काम गर्दैन । तर पाठ्यक्रम अनुसार विषयवस्तुको गहिराई बुझियो र परिक्षालाई सहज रुपमा लिइयो भने सफल हुन सकिन्छ ।

लोकसेवाको तयारी कसरी गर्दा उपयुक्त हुन्छ ?
लोकसेवाको तयारी गर्दा सुरुवातदेखि नै सकारात्मक सोच र दृष्टिकोणका साथ उपस्थित हुनु उपयुक्त हुन्छ । म गर्न सक्छु भन्ने भावना अन्तर्मनबाट आउनुपर्छ । आधिकारिक र खोजमूलक सामग्री अध्ययनमा विशेष जोड दिनुपर्छ । विज्ञसँगको छलफल, सहकर्मीसँगको सामूहिक अध्ययन र निरन्तरको अभ्यास नै लोकसेवामा सफलता पाउने मन्त्रहरू हुन् । एक–दुईपटक असफल हुँदैमा सक्दिनँ भन्ने धारणा राख्नु हुँदैन । निरन्तरको प्रयासले पक्कै पनि सफलता हासिल गर्न सकिन्छ ।

Advertisement 2

लोकसेवामा कसरी लेख्ने ?
प्रश्नपत्र पाएपछि प्रश्नले के खोजिरहेको छ भन्ने प्रष्ट हुने ।
सबैभन्दा पहिला प्रश्नले खोजेको विषयवस्तुको परिचय दिने ।
परिचयपछि मुलभुत विषयहरुलाई बुँदागत रुपमा लेख्ने । १० नम्बरको प्रश्न हो भने १५ देखि २० वटासम्म मुख्य बुँदाहरु लेख्नुपर्छ ।
अन्तिममा सारांश लेख्ने । सारांश पढेपछि मात्र प्रश्नपत्र जाँच्नेले नम्बर दिने भएकाले सारांशमा गहन कुरा लेख्नुपर्छ । जुन सारांशले कापी जाँच्ने व्यक्तिको मनोविज्ञानमा सकारात्मक असर परोस् ।