नेकपा एमाले केन्द्रीय कमिटिको बैठकमा सहभागी हुन पार्टी उपाध्यक्ष वामदेव गौतम वालुवाटारमा पुगे । प्रधानमन्त्री केपी ओलीको सरकारी निवास वालुवाटार शुक्रबार एमाले ओली पक्षको केन्द्रीय कमिटी बैठकमा सहभागी हुन पुगेका गौतमले हतार नगरी माधव नेपाल सहितको एकता गर्नुपर्नेमा जोड दिए । उपाध्यक्ष गौतमले भने, मुख्य नेतालाई अपमान गरेर एकता हुँदैन । हतार गर्नुहुन्न, माधव नेपालसहितको एकता हुनुपर्छ ।’

Advertisement 1

उनले आफू सदैव पार्टी एकताको पक्षमा रहेको बताउँदै आफू पार्टीमा फर्किएको र अब पार्टी एकताले पूर्णता पाउने विश्वास व्यक्त गरेका हुन् ।
उनले वरिष्ठ नेता माधवकुमार नेपाललाई अपमान गरेर एमाले एकता नहुने धारणा समेत राखेका छन् ।  मुख्य नेतालाई सम्मानजनक व्यवहार गरिएन भने तलको पंक्ति भड्किने उल्लेख गर्दे वरिष्ठ नेता नेपाललाई अपमान गरेर एकता हुन नसक्ने बताएका हुन् । एकता नभए एमाले समाप्त हुने भन्दै उपाध्यक्ष गौतमले वार्तामा जोड दिए । भने, ‘हिजो केन्द्रीय कमिटीको निर्वाचन हुँदा माधव कमरेडका जम्मा ९ जना कम थिए, अहिले पनि अवस्था उस्तै छ । एमाले आधा–आधा विभाजित छ । वार्ता कमिटी बनाएपछि बीचैमा छाड्नुहुन्न । सार्थक निष्कर्षमा पुर्याउनुपर्छ । अन्यथा हामी सबै समाप्त हुन्छौं ।’

आजको केन्द्रीय कमिटीको बैठकमा वरिष्ठ नेता झलनाथ खनाल र माधव नेपाल पक्ष उपस्थित भएको छैन।

Advertisement 2