गृह मन्त्रालयले गत मंगलबार दुई जना प्रमुख जिल्ला अधिकारीहरुको हेरफेर गर्यो । जसमध्ये एक थिए रामबहादुर कुरुम्बाङ र अर्काे थिए जयनारायण आचार्य । गृहले कुरुम्बाङलाई
दाङको प्रमुख जिल्ला अधिकारीको जिम्मेवारी दिएर खटायो । यस्तै सप्तरीमा मन्त्रालयकै सहसचिव जयनारायण आचार्यलाई पठायो ।
कुरुम्बाङ यस अघि ताप्लेजुङ, म्याग्दी, सोलुखुम्बु, अछाम, प्युठान, बर्दिया, स्याङ्जा, बाँके हुँदै अहिले दाङको जिल्ला प्रशासन प्रमुख भएका छन् । यो सहित उनले ९ वटा जिल्लाको प्रमुख जिल्ला अधिकारी चलाउने अवसर पाएका छन् ।
उनी यस्ता कर्मचारी हुन कि जो उपसचिव भए पनि सहसचिवको दरबन्दी भएको जिल्लाको प्रमुख जिल्ला अधिकारी बनेर खटिएका छन् । मन्त्रालयले सह सचिवलाई जगेडामा राखेर सहसचिवको दरबन्दी भएको जिल्लामा उपसचिवको पोष्टिङ गर्नु एउटा विकृती हुँदै हो यस्मा गृहले आफैले बनाएको मापदण्डलाई समेत कुल्चिएको भेटिन्छ ।
प्रमुख जिल्ला अधिकारीको सरुवासम्बन्धी मापदण्ड (राजपत्रांकित द्वितीय र प्रथम) को ठाडो उल्लंघन गर्दै उनीझैं केही पावरफुल कर्मचारीलाई नियमित प्रमुख जिल्ला अधिकारीको जिम्मा दिँदै आएको छ ।
गृहले बनाएको मापदण्डमा लगातार तीन जिल्लामा प्रमुख जिल्ला अधिकारी बनेको अधिकृतलाई गृह मन्त्रालय मातहतको विभाग वा क्षेत्रीय प्रशासन कार्यालयमा सरुवा गर्ने व्यवस्था छ । तर,त्यो नीतिको ठाडो उल्लंघन हुँदा पनि गृह प्रशासन मौन देखिन्छ । उक्त मापदण्डको बुँदा नम्बर ५ मा लेखिएको छ ‘सामान्यतयाः लगातार ३ जिल्लामा प्रजिअको जिम्मेवारी वहन गरिसकेकाहरूलाई मन्त्रालय मातहत विभाग र क्षेत्रीय प्रशासन कार्यालयमा सरुवा गर्ने नीति अवलम्बन गर्ने । यसरी मापदण्डलाई कुल्चिएर निरन्तर सिडीयो बनिरहने गृहका कर्मचारीहरुमा उमेश ढकाल,अस्मान तामाङ्ग ,कोशहरि निरौला लगायतको नाम आउँछ ।

Advertisement 1

कुरुम्बाङ कार्यक्षमतामा अब्बल हुनुुहुन्छ,उहाँको कार्यक्षमता माथि प्रश्न होइन् गृहका एक उपसचिवले इकर्मचारीसँग भने, जसरी उहाँलाई गृह प्रशासनमा अर्कै ग्रहबाट आएकोझैं व्यवहार र खटन पटन गर्दछ,त्यो चाहिँ प्रश्नको बिषय हो । कुरुम्बाङ लगायतर ९ वटा जिल्लाको प्रमुख जिल्ला अधिकारी बनिसकेका छन् ।

Advertisement 2

निजामती कर्मचारीले एक पटक सुगम स्थानमा बसेपछि अर्को पटक दुर्गम स्थानमा सेवा गर्नुपर्ने सामान्य नियम हो । तर, गृहमन्त्रालयमा यस्ता नियमहरु लागू हुँदैनन् । गृहमन्त्रालयका सहसचिव अस्मान तामाङ्ग त्यस्ता भाग्यमानी ब्यक्ति हुन जो कर्मचारीको भाषामा मालामाल हुने जिल्लाको कमाण्डर बनेका छन् । गृहमन्त्रालयले जारी गरेको सरुवा तथा मापदण्ड ब्यवस्थापन २०७१ मा प्रमुख जिल्ला अधिकारी सरुवा सम्वन्धि मापदण्डमा सामान्यतया लगातार ३ जिल्लामा प्रजिअको जिम्मेवारी बहन गरि सकेकाहरुलाई मन्त्रालय माताहत विभाग र क्षेत्रीय प्रशासन कार्यालयमा सरुवा गर्ने नीति अवलम्बन गर्ने उल्लेख गरिएको छ । त्यसोत गृहको मापदण्डमा गृह मन्त्रालय, क्षेत्रीय प्रशासन कार्यालय, कारागार ब्यवस्थापन विभाग, प्रहरी कितावखाना, अध्यागमन विभागमा कार्यरत कर्मचारीहरुलाई प्रजिअको जिम्मेवारी दिँदा पहिलो प्राथमिकता दिने पनि उल्लेख गरिएको छ । यी मापदण्ड बिपरित सहसचिव अस्मान लगातार पाँच जिल्लाको प्रमुख जिल्ला अधिकारी बनाईएका छन् । सुरुमा शिक्षा सेवाको सहसचिव बाट गृह सरुवा भई २०७३ फागुनमा तेह्रथुमको प्रजिअ बनेका आश्मान त्यसपछि सिन्धुपाल्चोक पुगे । सिन्धुपाल्चोकबाट उनको सरुवा मकवानपुर भयो । यी जिल्ला कर्मचारीको नजरमा मालामाल हुने जिल्लाको रुपमा परिचित छ । मकवानपुर बाट उनी धादिङ्ग जिल्लाको प्रमुख जिल्ला अधिकारी बनाईए । सिन्धुपाल्चोक,मकावनपुर र धादिङ्ग राजधानी काठमाडौंको हिसावले सवैभन्दा आकर्षक जिल्ला हो । धादिङ्गको प्रमुख जिल्ला अधिकारी भएसँगै आस्मानलाई पर्साको प्रमुख जिल्ला अधिकारी बनाएर खटाइयो । पर्सा जिल्ला प्रशासन कार्यालय जान कर्मचारीबीच निकै जोडवल लाग्ने गरेको छ । त्यहाँबाट उनलाई अहिले रुपन्देही जिल्लाको प्रमुख जिल्ला अधिकारी बनाएर खटाइएको छ । यो सहित उनी ६ जिल्लाको सिडीओ बन्न सफल भएका छन् ।

गृहका अनुसार सहसचिव तहका दुई कर्मचारीको पोष्टिङ हुनै बाँकी छ । उनीहरुलाई जिम्मेवारबिहिन बनाएर राखिएको छ । गृहका सहसचिवद्धय रामप्रसाद पाण्डे,जर्नादन गौतम अहिले जिम्मेवारबिहिन छन् तर उपसचिव तहका कर्मचारीहरुलाई सहसचिवको दरबन्दी भएको जिल्लाको प्रमुख जिल्ला अधिकारी बनाएर खटाइएको छ ।