काठमाडौं। साल्ट ट्रेडिङ कर्पोरेशनले १० प्रतिशत लाभांश दिने भएको छ। कम्पनीको ५८औं वार्षिक साधारण सभामार्फत उक्त निर्णय गरिएको हो। सञ्चालन समितिका अध्यक्ष प्रदिपलाल श्रेष्ठको सभापतित्वमा सम्पन्न साधारण सभाले १० प्रतिशत लाभाशं दिने निर्णय गरेको हो।

Advertisement 1

साधारण सभाले चुक्ता पुँजीको १० प्रतिशत लाभांश आफ्ना सेयरधनीहरुलाई वितरण गर्ने निर्णय पारित गरेको हो। त्यस्तै कम्पनीले प्रधानमन्त्री दैवी प्रकोप उद्धार राहत कोषमा ६० लाख रुपैयाँ जम्मा गरिएकोमा त्यसलाई सदर गर्ने निर्णय पनि सभाबाट भएको कम्पनीले जानकारी दिएको छ।

उक्त रकम साल्टट्रेडिङ कम्पनी र कम्पनीका कर्मचारीहरुले यसअघि नै उपलब्ध गराएका थिए। कम्पनीको सभाबाट वार्षिक प्रतिवेदन, वित्तीय अवस्थाको विवरण, नाफा नोक्सानीको विवरण, नगद प्रवाह विवरणका साथै लेखानीतिमाथि छलफल गरी पारित पनि गरिएको कम्पनीले जानकारी दिएको छ।

Advertisement 2

साधारण सभाको अवसरमा अधयक्ष श्रेष्ठले कर्पोरेशनले नेपाल सरकारको निर्देशन पालना गरी खास वस्तुहरुमा लागत मूल्यभन्दा कम मूल्यमा सामान बिक्री गरी सामाजिक उत्तर दायित्व समेत वहन गरिरहेको बताए।

कर्पोरेशनले सरकारबाट प्राप्त अनुदानमा आवश्यक मात्रमा रासायनिक मल बिक्री गर्नुका साथै रासायनिक मलको अभावलाई न्यूनीकरण गर्न गैर अनुदानित रासायनिक मल एमुनियक सल्फेट र सिंगल सुपर फस्फेट मल कृषकहरुलाई उपलब्ध गराउँदै आएको छ।

अध्यक्ष प्रदिपलाल श्रेष्ठले नेपाल सरकारको नीतिको अवलम्बन गर्दै मुलुक भर गुणस्तरीय वस्तुको आपूर्ति व्यवस्था मिलाउँदै कर्पोरेशनलाई राष्ट्रिय तथा अन्तराष्ट्रिय बजारमा स्थापित गर्न नबीनतम तथा सिर्जनशील कारोबार खोजी गर्दै व्यापार विविधीकरणतर्फ उन्मुख रहेको बताए।