अन्ततः काठमाडौं प्लाजा सिल गरिएको छ । नेपाल ट्रष्टको स्वामित्व रहेको काठमाडौंको कमलादीस्थित काठमाडौं प्लाजा खाली गर्न भन्दै नेपाल ट्रष्टको कार्यलयले सात दिने सूचना समेत जारी गरेको थियो । पूर्व राजपरिवारको नाममा रहेको ५ रोपनी २ दाम क्षेत्रफलको जग्गा कन्सेप्ट डेभलपर्सले लिजमा लिएको थियो ।

Advertisement 1

२०६६ पुस २३ गते ट्रष्टले कन्सेप्ट डेभलपर्ससँग पुनः लिज सम्झौता नवीकरण गर्दै २०६७ असार ३ गतेदेखि २०७२ असार ३ गतेसम्मको वार्षिक भाडा ६१ लाख र यसपछि सुम्झौता अवधि रहने समय २०७७ असार ३ गतेसम्मको वार्षिक भाडा ७५ लाख तोकिएको थियो । उक्त सम्झौता अवधि असार २ गतेबाट सकिएको थियो । मन्त्रिपरिषदले उक्त भवन काठमाडौं महानगरपालिकालाई भाडामा दिने निर्णय गरेको थियो । व्यापारिक भाडामा लगाउन नपाउने गरि मन्त्रिपरिषदले महानगरपालिकालाई भाडा दिने निर्णय गरेको थियो । सम्झौता अवधि सकिएपछि ट्रष्टले पटक पटक सुचना छापेर भवन खाली गर्न भनेको थियो ।

ट्रष्टको कार्यालयले अन्तिम पटक अल्टिमेटम भन्दै चैत्र २५ गते गोरखापत्रमा सुचना निकालेर ३१ गतेभित्र घर खाली गर्न भनेको थियो । पटक पटक माइकिङ समेत गरिएको भए पनि व्यापारीले अटेरी पछि नेपाल ट्रष्टको कार्यलयले प्रहरीको सहयोगमा काठमाडौं प्लाजामा सिल गरेको हो ।
सो कार्यालयका सहसचिव भीष्मकुमार भुसालले भवनमा अटेरी गरेर बसेको व्यवसायीको फर्म कार्यालयले सिल गर्दै आफ्नो नियन्त्रणमा लिएको बताए ।

Advertisement 2

गत असार दोस्रो साता मासिक साढे ६० लाख रुपैयाँ भाडा लिने गरि नेपाल ट्रष्टको उक्त भवन काठमाडौं महानगरपालिकालाई भाडामा दिने मन्त्रिपरिषदले निर्णय गरेको थियो । कार्यालय प्रयोजनका लागि भन्दै प्लाजाको पुरै भवन भाडामा दिने निर्णय गरेपछि महानगरभित्र समेत विवाद छ ।

काठमाडौं प्लाजाको कुल क्षेत्रफलको ७३ प्रतिशत क्षेत्र कर्पोरेट क्षेत्रले भाडामा लिएका छन् । अर्बौंको भौतिक संरचना समेत निर्माण गरेर रजिष्टर्ड कार्यालय सञ्चालनमा रहेकाहरुलाई हटाएर मन्त्रिपरिषदले महानगरपालिकालाई भाडामा दिने निर्णय गरेको थियो ।

तत्कालिन राजा विरेन्द्र शाहको परिवारको नाममा रहेको ५ रोपनी २ दाम क्षेत्रफलको जग्गा कन्सेप्ट डेभलपर्सलाई दिने गरी २०५० असार ३ गते सम्झौता भएको थियो । पूर्वराजपरिवारको निधन भएपछि बनेको सरकारले शाहको सम्पत्ति राष्ट्रहितमा प्रयोग गर्न भन्दै नेपाल ट्रष्ट गठन गरेको थियो । देश भर रहेका राजपरिवारको सम्पत्ति ट्रष्टको मातहत ल्याउने क्रममा काठमाडौं प्लाजा पनि ट्रष्टको मातहतमा ल्याइएको थियो ।

२०६६ पुस २३ गते ट्रष्टले कन्सेप्ट डेभलपर्ससँग पुनः लिज सम्झौता नवीकरण गर्दै २०६७ असार ३ गतेदेखि २०७२ असार ३ गतेसम्मको वार्षिक भाडा ६१ लाख र यसपछि सुम्झौता अवधि रहने समय २०७७ असार ३ गतेसम्मको वार्षिक भाडा ७५ लाख तोकिएको थियो । उक्त सम्झौता अवधि असार २ गतेबाट सकिएको थियो ।