आफ्नै भूमिमा नेपालले ३७ वर्षपछि अन्तर्राष्ट्रिय फुटबलको उपाधि उचालेको छ।

Advertisement 1

सोमबार रंगशालामा भएको थ्री नेसन्स कपको उपाधि उचालेसँगै नेपालले ३७ वर्षपछि आफ्नै भूमीमा उपाधि उचालेको हो। यसअघि नेपालले १९८४ मा दक्षिण एसियाली खेलकुद अन्तर्गतको फुटबलको उपाधि यसै दशरथ रंगशालामा उचालेको थियो। त्यसयता स्वदेशमा नेपाली राष्ट्रिय टोलीले उचालेको यो दोस्रो उपाधि हो।३७ वर्षपछि नेपाली भूमिमा उपाधि दिलाउने नेपाली राष्ट्रिय फुटबल टिमलाई अखिल नेपाल फुटबल ‘संघ’ एन्फाले पुरस्कारको घोषणा गरेको छ ।

नेपाललाई त्रिदेशीय कप फुटबलको उपाधि दिलाउने नेपाली टोलीलाई पुरस्कार स्वरुप पाएको पाँच हजार अमेरिकी डलरसँगै जनही एक लाख रुपैयाँ थपेर दिने एन्फाले जनाएको हो ।एन्फा प्रवक्ता किरण राईले २३ खेलाडीहरुलाई पुरस्कार रकमसँगै जनही एक लाख रुपैयाँ पुरस्कार दिने निर्णय भएको जानकारी दिनुभयो ।मंगलबारको दरअनुसार अमेरिकी एक डलर बराबर १ सय १७ रुपैयाँ ७४ पैसा हुन आउँदा हुने ५ लाख ८८ हजार ७ सय रुपैयाँ बाँड्दा जनही २५ हजार ५ सय ९५ रुपैयाँसँगै एक लाख रुपैयाँ थपेर खेलाडीहरुलाई दिइने छ ।

Advertisement 2

प्रशिक्षकको हकमा भने पछि निर्णय गरिने प्रवक्ता राईले जानकारी दिनुभयो । कीर्गिस्तानसमेत सहभागी त्रिदेशीय कप फटबलको सोमबार भएको फाइनलमा बंगलादेशलाई २÷१ ले पराजित गर्दै नेपालले ३७ वर्षपछि घरेलु मैदानमा उपाधि जितेको हो । घरेलु भूमिमा नेपाली सिनियर टिमले सन् १९८४ मा भएको पहिलो दक्षिण एसियाली खेलकुद सागको स्वर्णपदक जितेको थियो ।