काठमाडौं । जिल्ला प्रशासन कार्यालय काठमाडौँले फागु पूर्णिमा (होली) पर्व मर्यादित, अनुशासित एवं व्यवस्थित ढङ्गले मनाउन अनुरोध गरेको छ ।होलीमा अमर्यादित, उच्छृङ्खल अवाञ्छित एवं गैरकानुनी क्रियाकलाप गरेमा प्रचलित कानुनबमोजिम कारबाही हुने कार्यालयले एक सूचना जारी गर्दै जानकारी गराएको हो ।
जिल्ला प्रशासन कार्यालयले चाडपर्वका अवसरमा शान्ति सुरक्षामा असर पर्ने गरी सार्वजनिक स्थानमा होहल्ला एवं झैँ(झगडा गर्ने, मादक पदार्थको सेवन गरी पारिवारिक एवं सामाजिक जनजीवन तथा सार्वजनिक मर्यादा र शान्ति खलल गर्ने, कसैको इच्छा विपरीत रङ एवं पानीको लोला हान्ने, पानीको फोहोरा हान्ने, जबरजस्ती रङ दल्ने कार्य नगर्न सबैमा अनुरोध गरेको काठमाडौँका सहायक प्रमुख जिल्ला अधिकारी हरिप्रसाद शर्माले जानकारी दिए ।

Advertisement 1

विगतका तुलनामा फागु पूर्णिमामा अनावश्यक तडक भडकसहितका विभिन्न खर्चिलो र भड्किला कार्यक्रम हुने गरेको उल्लेख गर्दै सामाजिक व्यवहार (सुधार) ऐन तथा नियमावली, २०३३ ले धार्मिक, सामाजिक तथा सांस्कृतिक पर्व मनाउने विषयलाई व्यवस्थित र नियमन गरेकोतर्फ ध्यानाकर्षण गराइएको सहायक प्रमुख जिल्ला अधिकारी शर्माले बताए । यस वर्ष फागुन ११ गते पहाडमा र १२ गते तराईमाा होली पर्व मनाइँदै छ ।