केही समय अघि सङ्घीय संसद् भवन अगाडी आत्मदाह गरेका इलामका प्रेम आचार्य प्रति समर्पित भिडियो ‘सूर्योदय’ लाई दर्शकले रुचाएका छन् । सार्वजनिक भएको चौथो दिनमै १ लाख २४ हजार बढी भ्युज पाइसकेको छ । यो भिडियो पछिल्लो दिनदेखि निरन्तर युट्युबको लगातार ट्रेन्डिङमा छ । अहिले पनि ट्रेन्डिङ २१ नम्बर मा छ । २१ यो समाचार तयार पार्दासम्म हजार बढी लाइक्स पाएको भिडियोमा १२ सय बढी सकारात्मक प्रतिक्रिया आएका छन ।

Advertisement 1

भिडियोमा जेएलसन अधिकारी प्रमुख पात्र रहेका छन् । भिडियो लोकप्रिय भएसँगै उनको चर्चा बढिरहेको छ । उनीसँगै भिडियोमा सुरभी सापकोटा, जयन्ता अधिकारी, अभिषेक ,शरद न्यौपाने लगायतको अभिनय रहेको छ । आना डुलुस र उत्साह जोशीको कथा र अवधारणामा युनिक पोइटको शब्दमा बनेको भिडियोमा युनिक पोइट र प्रकृति बस्नेत भट्टराईको आवाज रहेको छ ।

सङ्गीत निर्माताका रूपमा रिल्क्पास रहेको भिडियोमा अनीश तिवारी र सृजन श्यामाले भिडियोको कथा अनुसारको सांस्कृतिक बाजा हालेका छन् । नयन राईले छायाङ्कन गरेको भिडियोलाई नुजन डङ्गोलले सम्पादन गरेका हुन् । क्षितिज सिंह, अशोक अधिकारी र नुजन डङ्गोलको भिएफएक्स रहेको भिडियोको अञ्जन लिम्बुले रङ्ग संयोजन गरेका हुन् ।

Advertisement 2

लक्ष्मण खडका कार्यकारी निर्माता रहेको भिडियोमा निसम गोर्खालीको सह निर्देशन रहेको छ । भिडियोका लागि प्रोडक्सन डिजाइन, कस्ट्युम डिजाइन् र मेकअपको समेत जिम्मेवारी निर्वाह गरेकी निर्माता समेत रहेकी आना डुलुसले भिडियोको निर्देशन गरेकी हुन् ।

https://www.youtube.com/watch?v=IRK3ydr4feQ