अब प्रमुख प्रशासकीय अधिकृत हुन संघीय कार्यालयमा तीन बर्ष सेवा गरेकै हुनुपर्ने
स्थानीय तहको प्रमुख प्रशासकीय अधिकृत खटाउनै महाभारत हुन थालेपछि संघीय मामिला तथा सामान्य प्रशासन मन्त्रालयले प्रमुख प्रशासकीय अधिकृतको सरुवासम्बन्धी मापदण्ड बनाएको छ ।
Advertisement 1
मन्त्रालयले स्थानीय तहमा प्रमुख प्रशासकीय अधिकृत खटाउनेसम्बन्धी मापदण्डमा तयार पारी हाल मनलाग्दी ढंगले खटन पटन हुँदै आएको प्रमुख प्रशासकीय अधिकृत सरुवालाई व्यवस्थित गर्न खोजिएको जनाएको छ ।
मन्त्रालयको कर्मचारी प्रशासन महाशाखाले तयार पारेको मापदण्ड स्वीकृतिका लागि मन्त्री अनिता देवीको टेबलमा पुगेको छ ।
Advertisement 2
उक्त मापदण्ड अनुसार,अब कुनै पनि स्थानीय तहको प्रमुख प्रशासकीय अधिकृत हुन तीन वर्षदेखि संघीय कार्यालयमा बसेका संघीय सेवाको कर्मचारी हुनुपर्ने छ । मापदण्डमा नयाँ नियुक्ति तथा बढुवा भई आउने कर्मचारीलाई प्रमुख प्रशासकीय अधिकृतको रूपमा खटाउने व्यवस्था अनिवार्य गरिएको छ । यद्यपि शाखा अधिकृतका हकमा भने निजले माग गरेको अवस्थामा बाहेक सेवा अवधि तीन वर्ष पुगेपछि मात्र प्रमुख प्रशासकीय अधिकृतको रूपमा कामकाज गर्न खटाउने व्यवस्था मापदण्डमा छ । यसरी खटाइएको प्रमुख प्रशासकीयको कार्यावधि कम्तीमा दुई वर्षको हुनेछ । भेग नमिल्ने, पहिले पालिकामा नरहेको, ५० वर्ष उमेर नपुगेकोलाई सकेसम्म प्रमुख प्रशासकीय अधिकृतमा नपठाउने गरी मापदण्ड बनाइएको उनले बताए ।
प्रमुख प्रशासकीय अधिकृत खटाउनै नसकिने र निमित्तको जिम्मेवारी दिनु पर्ने स्थितिमा एक श्रेणी मुनिको पदमा कम्तीमा पाँच वर्ष कार्यानुभव भएको सोही सेवा समूहको कर्मचारीलाई प्रमुख प्रशासकीय अधिकृतको रूपमा खटाउन सक्ने व्यवस्था मापदण्डले गरेको छ । तर, गाउँपालिकाका हकमा भने राजपत्रांकित तृतीय श्रेणीको अधिकृतस्तर कर्मचारी नै खटाउनुपर्ने व्यवस्था प्रस्ताव गरिएको छ ।
मापदण्डमा दुर्गम सुगम मिलाउने, दुर्गममा १ वर्ष बसिसकेकालाई मन्त्रालय वा विभागमा ल्याउन प्राथमिकता दिनेगरी मापदण्ड बनाइएको छ ।
