निजामती प्रवेशको फलामे ढोका मानिने लोकसेवा परीक्षा भीडेर नाम निकाल्नमा गुल्मेलीहरु अग्रपक्तिंमा रहेको एउटा विवरण सार्वजनिक भएको छ । लोकसेवा आयोगको गत आर्थिक बर्ष ०७९/ ०८० को विवरण केलाउँदा लोकसेवा भीडेर स्थायी नियुक्ति लिनेमा गुल्मेलीहरु अगाडि छन् ।

Advertisement 1

आयोगको प्रतिवेदन अनुसार महिला १ हजार ९९ र पुरुष २ हजार ५ सय ७६ गरी कुल ३ हजार ६ सय ७५ उम्मेदवार स्थायी नियुक्तिका लागि सिफारिस भएकामध्ये गुल्मीका मात्र १४५ जना रहेका छन् । निजामती सेवामा यस अघि स्याङ्जाले राख्दै आएको वर्चश्व भत्काउदै यस पटक गुल्मी जिल्लाका धेरैले निजामतीमा प्रवेश गरेका हुन ।

आयोगको वार्षिक प्रतिवेदन अनुसार गुल्मीका ४३ महिला र १०२ पुरुषले गतबर्ष लोकसेवा भीडेर निजामती सेवामा स्थायी नियुक्ति लिएका छन् । यो कूल नियुक्तिका लागि सिफारिस भएकामध्ये ३ दशमलब ९५ प्रतिशत हो । उक्त प्रतिवेदन अनुसार,गुल्मीलाई स्याङ्जाले पछ्याइरहेको छ । स्याङ्जाका २९ महिलासहित ११६ जनाले स्थायी नियुक्ति लिएका छन् । यो कुल स्थायी नियुक्ति लिने संख्याको ३ दशमलव १६ प्रतिशत हो । यस्तै सर्लाहीबाट १०८ जनाले प्रतिष्प्रर्धामा सामेल भएर स्थायी नियुक्ति लिँदा जुम्ला जिल्लाबाट १०२ र धनुषा जिल्लाका ९९ जनाले नाम निकालेका छन् ।

Advertisement 2

गत बर्षमा बर्षमा मनाङ र मुस्ताङ जिल्लाका कुनै पनि उम्मेदवार सिफारिस हुन सकेनन् । मनाङ, मुस्ताङ, रसुवा, म्याग्दी र डोल्पाबाट सबैभन्दा न्यून दरखास्त गरेका थिए । यी जिल्लाबाट कुल ३ हजार ७३ अर्थात ० दशमलव ६३ प्रतिशत मात्र दरखास्त परेको थियो ।